Трир

Википедиысь материал
Кар
Трир
Trier
DEU Trier COA.svg

Координатаос: 49°45′24″ у. ш. 6°38′29″ ӵ. д. / 49.756667° у. ш. 6.641389° ӵ. д. (G) (O) (Я)49°45′24″ у. ш. 6°38′29″ ӵ. д. / 49.756667° у. ш. 6.641389° ӵ. д. (G) (O) (Я)

Шаер Германия
Улос Рейнланд-Пфальц
Пуш люкон 19 ёрос
Йыр Клаус Ензен
Азьвыл нимъёс Августа Треверская
Территория 117,14 км²
Шорлэн ӝуждалаез 124 м
Кыл немец
Улӥсьёс (2010) 105260 адями
Йӧскалык состав немецъёс
Часовой пояс UTC+1[d] но UTC+02:00[d]
Телефон код +49 651
Почта индекс 54290, 54292, 54293, 54294, 54295, 54296
Автомобиль код TR
Идентификатор 07 2 11 000
Официальной сайт trier.de
(нем.)

Трир (Германия)
Трир
Трир

Трир - гурезьысен
Трирлэн тужгес тодмо история синпелетэз - Порта Нигра
Рим выж

Трир (нем. Trier, лат. Augusta Treverorum) — «Уйпал Рим», Германияысь вашкалаез кар. Кылдытэмын асьме эралэсь азьло 15-тӥ даурын Октавиан Август рим императорен треверъёслэн племязылэн вӧсяськон интызы вӧзын, со бордысь ик карлэн нимыз — «Августа Треверская».

Кар интыяське Рейнланд-Пфальц федерал музъемлэн шундыпуксён палаз.

Городын трос чебер, синмаськымон интыосыз. Нырысь ик, со Порта Нигра (Porta Nigra) — «Сьӧд капкаос». Азьвыл солэн кӧльыосыз югытэсь вылӥллям, но дыр ортчемъя, тӧлэн но жобаськись куазен сэрен, сьӧдэктӥллям. Капкалэн пасьталаез — 36 метр, ӝуждалаез — 30 метр, нош мурдалаез — 21,5 метр. Шундыпуксён Рим империялэсь кылем капкос пӧлысь Порта Нигра — тужгес бадӟымез но умой возиськемез. Ас вакытаз со пушкын таможня интыяськем.

Туж чебер но узыр адске Трир собор но со вӧзысь нылкышноослэн монастырьзы — Либфрауэнкирхе. Соборез утён вылысь пӧртэм ужъёс нуисько. Пушказ пыраны уг лэзё. Собор 320-тӥ арын Дунчылкыт Агриций Трирскиен пуктэмын вылэм, та ужез солы быдэстыны косэм Константин император.

Быдӟым Константинлэн 310-тӥ арын пуктэм базиликаез туннэ но, куке вӧсяськон инты быдэсак выльдэмын, кыске бордаз огшорыеныз. Укноосаз азьвыл суредъёсыз ик кылемын на. XII даурысен отын епископлэн резиденциез интыяськем. Пулэсь лэсьтэм вӧлдэтэз лыдэ басьтытэк, базиликаын нокыӵе чеберъянъёсыз ӧвӧл.

Рим выж вылтӥ туннэ но сюрес ортче, нош пуктэмын ни со Порта Нигралэн даураз. Рим калыкъёс пуктӥллям — со бордысен ик нимыз.

Городысь история синпелетъёс ЮНЕСКО-ен утисько.

Трир тодмо луэ на, Карл Маркслэн вордӥськем интыез шуыса.