Ушаков, Василий Серафимович

Википедиысь материал
Перейти к навигации Перейти к поиску

Василий Серафимович Ушаков — актёр, валтӥсь режиссёр, режиссёр, Удмурт Элькунысьтымы лулчеберет удысын сӥё-дано ужась.

Вордӥськиз 1955-тӥ арын Глаз ёросысь, Вуж Эбга (Нижняя Слудка) гуртын.

1968—1973-тӥ аръёсы Москваысь Щепкин нимо вылӥ театральной дышетсконниын тодон-валан бичаз. 1979-тӥ арын А. В. Луначарский нимо вылӥ режиссёр курсъёсты йылпумъяз (ГИТИС).

1973-тӥ арысен ужан удыссэ Элькунысьтымы йӧскалык театрен герӟаз. Театрлэн сцена вылаз 30-лэсь трос пьесаос пуктӥз. Тужгес но тунсыкоосыз соос полын: «Инвожо светит и в полночь» (Р. Валишинлэн мотивъёсызъя, 1979), «Слеза не опадает, как роса» (А. Григорьев, 1985), «Эбга» (П. Захаров, 1992), «Эш-Тэрек» (Е. Загребин, 1997) но мукетъёсыз.

1993—1995 аръёсы «Удмуртия» нимо кун телерадиоканалын режиссёр луыса тыршиз. «Ижевск вечерний» передача бордын ужаз. Р. Валишинлэн «Укное учко тылсиос» веросэзъя телеспектакль но М. Петровлэн «Италмас» поэмаезъя кык люкетъем телевизионной фильм бордын пыр-поч ужаз.

Россиысь пӧртэм театръёслэн сцена вылазы трос пьесаос но телеспектакльёс пуктӥз. Финно-угор калыкъёслэн театральной фестивалязы (Финляндия) «Эбга» спектаклезлы критикъёс вылӥ дунъет сётӥзы.

2011-тӥ арысен Удмурт кун университетысь «Ватка» нимо театральной студиен кивалтэ.

Чӧлсконъёс[Тупатыны | вики-текстэз тупатыны]