15 пӧсьтолэзь

15 пӧсьтолэзь — арлэн 196-тӥ нуналыз (197-тӥ нунал високосной арын) григорианской календарья. Выль арозь 169 нунал кыле.

Али дыре юлиан календарьлэн 2-тӥ пӧсьтолэзезлы огкадь луэ.

Луэм учыръёс

• 1099 — Иерусалимез басьтон нырысетӥ крестовой походын.
• 1240 — Александр Невскойлэн шведъёсты вормемез.
• 1410 — Тевтон орденлэсь войскооссэ вормон Грюнвальд ожмаськон дыръя.
• 1741 — Аляска дуре лыктӥзы нырысь европаос.
• 1799 — француз капитан Бушар шараяз Египетын Розеттаысь изэз.
• 1815 — Наполеон Англиысь корабльлэн «Беллерофонтлэн» капитанэзлы пленэ сётскиз.
• 1823 — Римын ӝуаса быриз Дун-чылкыт Павеллэн вашкала базиликаез.
• 1870 — Джорджия Огазеяськем Штатъёс пӧлы берытскиз.
• 1905 — поттэмын Арсен Люпен сярысь нырысетӥ веросъёс.
• 1929 — Удмурт автономной область люкиськемын 21 ёрослы.
• 1937 — Сталин нимо 128 километръем Москва-Волга канал ужаны кутске.
• 1941 — Ижын кылдытӥськыны кутскиз 313-тӥ стрелковой дивизия.

Вордскизы

• 1606 — Рембрандт Харменс ван Рейн, Голландиысь художник.
• 1853 — Мария Ермолова, актриса, республикалэн калык артисткаез, Ужысь Герой (1924).
• 1924 — Раиса Сонина, Удмуртиысь дышетӥсь, культура удысын ужась, Быдӟым Атыкай оже пыриськись.
• 1945 — Юрий Айзеншпис, Россиысь крезьгуръя продюсер.
• 1952 — Терри О’Куинн, Америкаысь актёр.
• 1956 — Йен Кёртис, «Joy Division» группаысь кырӟась.
• 1959 — Касим Галиханов, Удмуртиысь архитектор, график, дизайнер, скульптор но педагог.
• 1967 — Адам Севидж, Америкаысь спецэффектъёсъя специалист, «MythBusters» телепередачаез нуись.
• 1969 — Александр Васильев, «Сплин» группаысь кырӟась.

Кулӥзы

• 1015 — Владимир Святославич, Киевысь но Новгородысь князь.
• 1904 — Антон Чехов, ӟуч гожъясьчи но драма гожъясь.
• 1916 — Илья Мечников, ӟуч биолог но патолог.
• 1997 — Джанни Версаче, Италиысь модельер.