30 пӧсьтолэзь

30 пӧсьтолэзь — арлэн 211-тӥ нуналыз (212-тӥ нунал високосной арын) григорианской календарья. Выль арозь 154 нунал кыле.

Али дыре юлиан календарьлэн 17-тӥ Пӧсьтолэзезлы огкадь луэ.

Праздникъёс

• Калыккуспо эшъяськон нунал
• Муртъёсын вузкаронэн нюръяськонлы сӥзем дунне нунал

Луэм учыръёс

• 762 — Аль-Мансур инъяз Араб халифатлы выль шоркарзэ — Багдадэз.
• 1419 — Прагаысь дефенестрация, гуситъёслэн Прага кар кенешлэсь ёзчиоссэ виылонзы, кудӥз луэмен Гусит ожъёс кутскизы.
• 1756 — Елизавета Петровна, Растрелли архитекторен ӵош мыныса, выль лэсьтэм Екатерининской дворецэз эскериз.
• 1809 — Голландие Валхерен шормуӵе вуиз 39 сюрсъем британ армия.
• 1858 — Джон Спик джунгли пыртӥ Виктория ты дуре потӥз.
• 1919 — Надежда Крупская Сарапулысь дышетӥсьёсын пумиськиз.
• 1920 — совето власть кутӥз пуктэмзэ «Лысьӧмъёсты всероссийской масштабын быдтон сярысь».
• 1921 — кылдытэмын Лымшор Африкаысь коммунистической партия.
• 1930 — Уругвайын дуннеысь футболъя нырысетӥ чемпионатлэн финальной матчез ортчиз. Чемпионатлэн кузёосызлэн сборнойзы Аргентинаез 4:2 лыдъямен вормиз.
• 1932 — Лос-Анджелесын кутскизы Дасэтӥ Олимпи шудонъёс.
• 1972 — Красноярскысь ГЭС ужаны ӧдъяз.
• 1984 — NBC телеканалын кутскиз «Санта-Барбара» телесериалэз возьматон (1993-тӥ арозь кыстӥське вал).
• 1992 — Бельгиысь Эрик Вальтер Эльст астроном Ла-Силья обсерваториын Чилиын Сарапул астероидэз усьтӥз.
• 2008 — Зимбабвеын интыысь валютаез 10 миллиард поллы деноминация сярысь ялэмын.
• 2012 — Музъемлэн котькуд дасэтӥ улӥсез электричествотэк кылиз.

Вордскизы

• 1862 — Николай Юденич, ӟуч ожгар ужась.
• 1863 — Генри Форд, Америкаысь промышленник.
• 1924 — Герман Корепанов, тодмо удмурт композитор, дирижёр.
• 1937 — Анатолий Русских, Удмуртиысь калык художник.
• 1938
  • Рудольф Березин, удмурт филолог, педагог, дано дышетӥсь.
  • Александр Байметов, удмурт тодосчи-психолог.
• 1947 — Арнольд Шварценеггер, Америкаысь киноактёр но политик.
• 1948
  • Ирина Винер, СССР-ысь но Россиысь художественной гимнастикая тренер, Алишер Усмановлэн кышноез.
  • Жан Рено (зэмос нимыз Хуан Морено-и-Хедерик Хименес), Франциысь актёр.
• 1964 — Владимир Довгань, Россиысь бизнесмен.
• 1965 — Андрей Венедиктов, Удмуртиысь спортсмен, Паралимпийской шудонъёслэн чемпионзы (1992).
• 1970 — Кристофер Нолан, Америкаысь режиссёр.

Кулӥзы

• 1811 — Мигель Идальго, Мексикаысь вӧсьчи, мексикан революцилэн азьветлӥсез.
• 1898 — Отто фон Бисмарк, Германиысь политик, Герман империлэн нырысетӥ канцлерез (1871—1890).
• 1912 — Муцухито, Японилэн 122-тӥ императорез (1867—1912).
• 2007 — Ингмар Бергман, Швециысь режиссёр.