17 толшор

17 толшор — арлэн 17-тӥ нуналыз григорианской календарья. Выль арозь 348 нунал кыле (349 нунал високосной аръёсын).

Али дыре юлиан календарьлэн 4-тӥ Толшорезлы огкадь луэ.

Луэм учыръёс

• 1772 — Кристиансборгын Даниысь королевалэн фаворитэз, Иоганн Струэнзе эмчи арест пытсанэ басьтэмын.
• 1773 — «Резолюшн» шлюп Джеймс Куклэн кивалтэм улсаз историысь нырысетӥез Лымшор полярной котрет вамен выжиз.
• 1893 — США-лэн правительствозы сэрпалтӥз гавай королеваез Лилиуокаланиез.
• 1904 — Мускоысь Художественной театр Антон Чеховлэсь «Вишнёвый сад» пьесазэ пуктӥз.
• 1912 — Великобританиысь мынӥсь-ветлӥсь Роберт Ф. Скотт Лымшор полюсэ вуиз.
• 1917 — Великобританиысь разведка «Циммерманлэсь телеграммазэ» кутӥз, мар США-ез оже пыриськытӥз.
• 1918 — Совето власть пуктэмын Вотка заводын.
• 1934 — Урал улосэз люкемысь Вотка но Сарапул ёросъёс солэн составысьтыз потӥзы но Свердловск улосэ пыризы.
• 1966 — Испанилэн инмаз авиакатастрофа, кудӥзлы луыса ньыль термоядерной бомба ышем.
• 1991 — трос кунъёслэн Персидской сюм ёросын интыям кужымъёссы ӧдъязы «Бушкыр сильтӧл» операциез.
• 1992 — Уралысь кун службая академилэн Ижысь филиалэз кылдытэмын.
• 1995 — Кобеысь музъем зуркан 6434 японецъёс вииз.
• 2000 — Ижкарын куинь арня талэсь азьло пуштытэм цирклэн интыяз выль юртсэ инъязы.
• 2002 — Ньирагонго вулканлэн кисьтӥськемез Гома карын 4500 юртэз ӧвӧлтэмак кариз.

Вордскизы

• 1706 — Бенджамин Франклин, Америкаысь тодосчи, журналист, политик.
• 1847 — Николай Жуковский, ӟуч тодосчи-механик, аэродинамика наукалэн инъясез.
• 1863 — Константин Станиславский, ӟуч театральной ужась, актёр, режиссёр, дышетӥсь, СССР-ысь нырысетӥ калык артист.
• 1899 — Альфонс Габриэль Капоне, Америкаысь мафиози.
• 1935 — Владислав Тупченко, Удмуртиысь художник-график.
• 1936 — Людмила Шкляева, удмурт историк.
• 1942 — Мохаммед Али (зэмос нимыз Кассиус Клей), Америкаысь боксёр, олимпи чемпион (1960), дуннелэн куинь пол чемпионэз.
• 1945 — Семён Альтов, СССР-ысь но Россиысь писатель-сатирик.
• 1960 — Игорь Николаев, СССР-ысь но Россиысь композитор но кырӟась.
• 1962 — Джим Керри, Америкаысь киноактёр.
• 1964 — Мишель Обама, США-ысь нырысетӥ леди 2009—2017 аръёсын, Барак Обамалэн кузпалыз.
• 1974 — Митя Фомин, Россиысь кырӟась.

Кулӥзы

• 1598 — Фёдор I Иоаннович, Рюриковичъёс выжыысь берпум ӟуч эксэй (1584-тӥ арысен).
• 1961 — Патрис Лумумба, ДРК-ысь нырысетӥ премьер-министр.
• 1982 — Варлам Шаламов, ӟуч писатель.
• 1994 — Дьердь Цифра, Венгриысь пианист-виртуоз.