Марс

Марс
Мукет нимъёсыз	Горд планета
Орбита аслыкъёс
Перигелий	2,06655·108 км 1,381 а.e.
Афелий	2,49232·108 км 1,666 а.e.
Бадӟым полуось (a)	2,2794382·108 км 1,523662 а.e.
Орбиталэн эксцентриситетэз (e)	0,0933941
Берганлэн сидерической периодэз	686,98 музъем сутка 1,8808476 музъем ар
Берганлэн синодической периодэз	779,94 музъем сутка
Орбитальной скорость (v)	24,13 км/с (шорлыдо) 24,077 км/с
Някырскон (i)	1,85061° (эклиптикалэн ӵошкытэзъя) 5,65° (шундылэн экваторезъя)
Ӝутскись гердлэн долготаез (Ω)	49,57854°
Перицентрлэн аргументэз (ω)	286,46230°
Малэн спутникез	Шунды
Спутникъёс	2
Физической аслыкъёс
Полярной шымырскон	0,00589
Экваторлэн радиусэз	3396,2 ± 0,1 км
Полярной радиус	3376,2 ± 0,1 км
Шорлыдо радиус	3389,5 ± 0,2 км
Выллэн площадез (S)	1,4437·108 км²
Объём (V)	1,6318·1011 км³
Масса (m)	6,4171·1023 кг
Шорлыдо плотность (ρ)	3,933 г/см³
Эрико усёнлэн ӝогомонэз экваторын (g)	3,711 м/с² 0,378 g
Нырысетӥ космической скорость (v1)	3,55 км/с
Кыкетӥ космической скорость (v2)	5,03 км/с
Экваторлэн берган скоростез	868,22 км/ч
Берган период (T)	24 час 37 минут 22,663 секунд
Осез някыртон	25,1919°
Уйпал полюслэн шонер ӝужанэз (α)	317,681°
Уйпал полюслэн палэнсконэз (δ)	52,887°
Альбедо	0,250 (Бонд) 0,150 (геом. альбедо) 0,170
Температура
Вылаз	−153 °C но +35 °C куспын
	мин. шор. макс.
быдэс планетаын	186 К; −87 °C 210 K (−63 °C) 268 К; −5 °C
Атмосфера
Омыр зӥбет	0,4—0,87 кПа (4·10−3—8,7·10−3 атм)
Состав:95,32 % углекислой газ 2,7 % азот 1,6 % аргон 0,145 % кислород 0,08 % сурым газ 0,021 % ву пар 0,01 % азотлэн окисез 0,00025 % неон

Марс — Шунды системаысь планета. Шундылы матын луэмезъя со ньылетӥез луэ, но быдӟалаезъя — сизьыметӥез. Планеталэн массаез — 10,7 % музъем масса. Нимамын Вашкала Римысь ожгар инмарлэн Марслэн нимыныз. Маггемит минерал (кортлэн γ-оксидэз(III)) Марслэсь вылзэ гордмыт каремен, сое куддыръя «горд планета» шуо.

Марс — шеромем атмосфераен музъем типъем планета (вылаз омыр зӥбет Музъемынэзлэсь 160 поллы ляб). Марс рельефлэн аспӧртэмлыкъёсыз луо толэзесь кадь шуккон кратеръёс, озьы ик музъемесь кадь вулканъёс, нёжалъёс, бушкыръёс но полюсъёс котырысь йӧ изьыос.

Марслэн кык толэзез вань — Фобос но Деймос (вашкала грек кылысь берыктыса — «кышкан» но «дэймон»), кудъёсыз пичиесь (Фобослэн быдӟалаез — 26,8×22,4×18,4 км, Деймослэн — 15×12,2×10,4 км) но таин сэрен шар тусъем луыны быгатӥллямтэ.

1960-тӥ аръёс дырысен Марсэз эскерыло, со доры аппаратъёс но станциос келяса, СССР («Марс» но «Фобос» программаосъя), США («Маринер», «Викинг», «Mars Global Surveyor» но мукет программаосъя), Европаысь космической агентство («Марс-экспресс» программая) но Индия («Мангальян» программая). Туннэ нуналлы, Музъем бере, Марс — Шунды системаысь тужгес пыр-поч эскерем планета.