Биология

Биология (греч. βιολογία; др.-греч. βίος — «улон» + λόγος — «тодос, наука») — улэп инкуазь сярысь наукаослэн комплекссы. Биологилэн дышетоно предметэз — улонлэн ваньмыз формаосыз: луло макеослэн но инкуазь сообществооссылэн строенизы но функциоссы, соослэн вӧлмемзы, кылдэмзы но азинскемзы, ог-огенызы но улэптэм инкуазен герӟаськонъёссы. Биологилэн ужпумъёсыз луо вань биологи закономерностьёсыз эскерылон, улонлэсь пуштроссэ но тусбуйёссэ шараян.

«Биология» кыл 1802-тӥ арын малпамын вал кык учёноен ог-огзылэсь быдэнак — французэн Ж. Б. Ламаркен но немецен Г. Р. Тревиранусэн.

Биологилэн люкетъёсыз

• Зоология — пӧйшуръёс сярысь наукаос:
  • териология — нонӥсьёс сярысь наука,
  • орнитология — тылобурдоос сярысь,
  • герпетология — нюжтӥськисьёс но музъемо вуо улӥсьёс сярысь,
  • ихтиология — чорыгъёс сярысь,
  • энтомология — нымы-кибыос сярысь,
  • акарология — лемтэйёс сярысь,
  • малакология — куалемъёс сярысь,
  • протозоология — огшорыос сярысь.
• Ботаника — будосъёс сярысь наукаос:
  • альгология — вутурынъёс сярысь наука,
  • микология — губиос сярысь,
  • лихенология — пужей ӝуйёс сярысь,
  • бриология — ӝуйёс сярысь,
  • дендрология — писпуос но куакъёс сярысь.
• Микробиология — микроорганизмъёс сярысь наука.
• Гидробиология — ву пӧлын улӥсь макеос сярысь наука.

Литература

• Биологической нимкылъёсын кылбугор / С. В. Соколов, В. В. Туганаев; под общ. ред. С. В. Соколова. — Ижевск : Удмуртия, 1994. — 144 с.
• Стрелкова О. Б. Огъядышетсконъя шоръёзо школаослы удмурт кылын биологи удыскылъёсын кыллюкам. — Саранск: Мордовиысь университетлэн издательствоез, 2011. — 40 б. — 300 экз.