Быдӟым тыос

Быдӟым тыос

Быдӟым тыос (англ. Great Lakes, фр. Grands Lacs) — Уйпал Америкалэн шунды ӝужан палаз, Дун-чылкыт Лаврентий шурлэн бассейназ интыяськем бадӟым тыослэн группазы. Соослэн нимъёссы: Вылӥ ты, Гурон, Мичиган, Эри но Онтарио. Мичиган ты быдэсак США пушкын кылле, кылем тыос вылтӥ но соосыз ог-огенызы герӟась вакчи шуръёстӥ ортче США-лэн но Канадалэн кунгожзы.

Ярдуръёссылэн кузьдалазы (шормуӵъёсынызы ӵош) 18 сюрс пала иськем. Быдӟым тыос луо Музъем вылын самой бадӟымез шӧг ву люкаськон. Соослэн вылзылэн быдӟалаез 244 106 км², бассейнзылэн площадез 768 сюрс км². Вулэн объёмез 22 671 км³. Ньыль тылэн мурдалаез 200 метрлэсь трос, Эри тылэн гинэ тужгес мур интыез 64 метр. Быдӟым тыос пӧлысь самой бадӟымез но тужгес мурез луэ Вылӥ ты, самой пичиез — Онтарио ты.

Тыос герӟаськемын куспазы вакчи куасег, туж вуо шуръёсын: Вылӥ но Гурон тыос — Сент-Мэрис шурен (кузьдалаез 112 км), Гурон но Эри тыос — Сент-Клэр шурен (кузьдалаез 43 км), Сент-Клэр но Эри тыос — Детройт шурен (кузьдалаез 51 км), Эри но Онтарио тыос — Ниагара шурен (кузьдалаез 54 км). Огез ӝуждала вылын кыллись Гурон но Мичиган тыосты герӟа 3 пала иськем пасьта Макино вакчи пролив.

Ты	Сент-Клэр	Онтарио	Эри	Мичиган	Гурон	Вылӥ ты
Вылызлэн быдӟалаез	1114 км²	19 000 км²	25 700 км²	58 000 км²	59 600 км²	82 400 км²
Объёмез	3,4 км³	1640 км³	480 км³	4900 км³	3540 км³	12 000 км³
Зарезь вадьсын ӝуждалаез	175 м	75 м	174 м	176 м	176 м	186 м
Шорлыдо мурдалаез	3,4 м	86 м	19 м	85 м	59 м	147 м
Тужгес мурез интыез	8 м	246 м	64 м	281 м	230 м	406 м
Бадӟым улон интыос	Детройт, Мичиган Уинсор, Онтарио	Гамильтон, Онтарио Кингстон, Онтарио Ошава, Онтарио Рочестер, Нью-Йорк Торонто, Онтарио Миссиссога, Онтарио	Буффало, Нью-Йорк Кливленд, Огайо Эри, Пенсильвания Толидо, Огайо	Чикаго, Иллинойс Гэри, Индиана Грин-Бей, Висконсин Милуоки, Висконсин	Сарния, Онтарио Порт-Гурон, Мичиган Бей-Сити, Мичиган	Дулут, Миннесота Су-Сент-Мари, Онтарио Тандер-Бей, Онтарио Маркетт, Мичиган