Ижысь заводлэн валтӥсь корпусэз

Википедиысь материал
Ижысь заводлэн валтӥсь корпусэзлэн башняен шор люкетэз

Ижысь заводлэн валтӥсь корпусэз — XIX даурын С. Е. Дудин архитекторлэн проектэзъя лэсьтэм промышленной юртъер, Ижкарысь пыӵал тӥрлык поттонъя заводлэн шор юртэз. Интыяськемын Иж тыметлэн ӵыпет вылаз, карлэн самой шораз. Юртлэн адресэз: Ижкар, Дерябин нимо проезд, 3. Валтӥсь корпуслэн быдэс ансамблез куать юртъерлэсь луэ, солэн огъя площадез 21 045 м².

Та юрт туж аспӧртэмез но уникальноез луэ. Со пыре шер-шер адмиралтейской типъем юртъёс пӧлы. Со сяна, Ижысь заводлэн валтӥсь корпусэз луиз Россиын нырысетӥез трос этажъем промышленной юрт. Удмурт шоркар понна та юрт озьы ик бадӟым значение басьтэ, со шонерак герӟаськемын Иж карлэн кылдэменыз. Заводлэсь 50 метръем башнязэ Ижлэн символэз шуо.

20-тӥ тулыспалысен 1995-тӥ арысен Ижысь пыӵал лэсьтонъя заводлэн валтӥсь корпусэз федерал статусъем архитектурной памятникен лыдъяське. Ачиз юрт али луэ федерал ваньбур. Нош ӟуч властьёс асьсэлэсь памятниксэс утён но выльдон понна номыре но уг каро. Со куспын юртъер чылкак урод адске но каллен куашкалля. Озьы, 3-тӥ пӧсьтолэзе 2018-тӥ арын завод башняын тылпуэн йырин со йылысь дас метръем колонна-шпиль пограз.

Озьы ик учке[Тупатыны | бамлэсь кодзэ тупатоно]

Чӧлсконъёс[Тупатыны | бамлэсь кодзэ тупатоно]