Ильминский, Николай Иванович

Википедиысь материал
Перейти к навигации Перейти к поиску
Николай Иванович Ильминский
Ильминский.jpg
Ужъёсыз:

лингвист[d] но берыктӥсь[d]

Вордӥськон нуналэз:

23-тӥ оштолэзе (5-тӥ куартолэзе) 1822

Вордӥськон интыез:

Пенза, Пензенская губерния[d], Российской империя[d]

Кун:

Flag of the Russian Empire (black-yellow-white).svg Российской империя[d]

Кулон нуналэз:

27‑тӥ толсуре 1891 (8‑тӥ толшоре 1892) (69 ар)

Кулон интыез:

Кузон, Кузон уезд[d], Кузон губерния[d], Российской империя[d]

Николай Иванович Ильминский – Востокын улӥсь калыкъёслэсь историзэс, културазэс, сям-йылолъёссэс эскерись. Улӥз 1822-тӥ -1891-тӥ аръёсы. Вордскиз священниклэн семьяяз. 1846-тӥ арын йылпумъяз Казаньысь духовной семинариез. Собере татчы ик ужаны кылиз. Эскериз бигер кылэ берыктэм Выль Заветэз. 1850-тӥ арын Ильминскиез келязы Санкт-Петербурге черк книгаосты бигер кылэ берыктонэз эскерон вылысь.

Азьланяз Ильминский улэ но ужа Дамаск, Константинополь, Каир гордъёсын, дышетэ араб, перс, турча кылъёсты. 19-тӥ даурлэн кыкетӥ ӝыныяз Ильминский Волга но Урал котырын улӥсь калыкъёслы - удмуртъёслы, бигеръёслы, поръёслы дышетон учреждениос усьтыны юрттӥз . Со сяна, саклык висъяз калыкъёслэн анай кылынызы инмарлы оскон книгаос, пособиос поттыны.

1863-тӥ арын усьтӥз Казыньын христианствое пырем бигеръёслы школа.

1872-тӥ арын Ильминскиез юнмато Казаньысь инородческой духовной семинарилы кивалтӥсе. Татын со тодон-валан сётыны кутске ӧжыт лыдъем выжыысь калыкъёслы.

Ильминскийлэн ӵектэмезъя удмурт нылпиослы усьтӥськизы 7 школаос. Соос пӧлын Карлыганысь удмурт школа но. Ильминскийлэн дышетонъя системаез вылын тодон-валан люказ нырысетӥ удмурт но пор интеллигенция. Азьланяз соос пӧлысь потӥзы нырысетӥ удмурт дышетӥсьёс.

Н. И. Ильминский улонысь кошкем бере солэн дышетон амалъёсыз - "христиан оскон пыр тодон-валан люкан" - пачказы критика улэ. 1911-тӥ-1913-тӥ аръёсы соосты дышетон системаысь куштӥзы. Туннэ тросэз тодосчиос Ильминскийлэсь амалъёссэ дунъяло.