Кондратьева, Наталья Владимировна

Википедиысь материал
Перейти к навигации Перейти к поиску
Наталья Владимировна Кондратьева
Ужъёсыз:

кылчи

Вордӥськон нуналэз:

29-тӥ инвожое 1976(1976-06-29) (45 ар)

Вордӥськон интыез:

Пичи Пурга черкогурт, Пичи Пурга ёрос, УАССР, РСФСР, СССР

Кун:

Flag of the Soviet Union.svg СССР
Flag of Russia.svg Россия

Наталья Владимировна Кондратьева — филологи наукаосъя доктор, профессор, удмурт кылчи, Удмурт кун университетысь удмурт кылосбуръя факультетлэн деканэз.

Вордскиз 29-тӥ июне 1976-тӥ арын Пичи Пурга черкогуртын. Школаез йылпумъямез бере (1993-тӥ арын), Удмурт кун университетысь удмурт кылосбуръя факультетэ, удмурт-немец отделение дышетскыны пыриз. Дышетскон дыръяз пыриськылӥз пӧртэм научной конференциосы: межвузовской, республиканской, международной, студенческой. Дышетскыкуз ик ужаз Ижкарысь 56-тӥ номеро школа-гимназиын дышетӥсь луыса.

Университетэз йылпумъямез бере, 1998-тӥ арын, Наталья Владимировнаез ысто Турку университетэ (Финляндие) стажировкае. 1999-тӥ арын Удмурт кун университетэ «Россия Федерациысь калыкъёслэн кылъёссы (финн-угор но самоди кылъёс)» специальностья аспирантурае пыре. 2002-тӥ арын В. К. Кельмаковлэн кивалтэмез улсын «Выражение прямого объекта в удмуртском языке» темая гожтэм кандидат диссертацизэ уте.

2000-тӥ арысен ужа кылосбуръя но финн-угор кылтодонъя кафедраын. Финн кыллэн грамматикаезъя теоритической курсэз нуэ, удмурт кылэз дышетон историез но финн-угор кылтодонэ пыртон лекциосты лыдӟе. Квалификациязэ будэтон понна трос пол ветлылӥз стажировкае Венгрие но Финляндие (Хельсинки, Турку университетъёсы).

Наталья Владимировна 70 печатлам научной ужъёслэн авторзы луэ.

Чӧлсконъёс[Тупатыны | вики-текстэз тупатыны]