Ложкин, Кузьма Алексеевич

Википедиысь материал
Перейти к навигации Перейти к поиску
Кузьма Алексеевич Ложкин
Ужъёсыз:

актёр[d]

Вордӥськон нуналэз:

17-тӥ коньывуонэ 1909(1909-10-17) (109 ар)

Вордӥськон интыез:

Ватка губерния, Российской империя[d]

Кулон нуналэз:

1-тӥ толшоре 1981({{padleft:1981|4|0}}-{{padleft:1|2|0}}-{{padleft:1|2|0}}) (71 ар)

Кулон интыез:

Иж, Удмурт Автономной Совет Социалист Республика, Ӟуч СФСР, СССР

Кузьма Алексеевич Ложкин — тодмо удмурт режиссёр, артист, кырӟась (куараез лирич. тенор). Вордӥськемын 4-тӥ (17-тӥ) октябре 1909-тӥ арын Дэбес ёросысь Зар.-Медла гуртын.

1923-тӥ — 1928-тӥ аръёсы улыны выжиз Ижкаре, мыло-кыдо пыриськиз Ижысь Удмурт клуб бордын кылдытэм драмая кружоке. Отын тодон-валан люкаса, быгатонлыксэ волятыса, 1928-тӥ арын дышетскыны пыре Москваысь Театр искусствоосъя валтӥсь техникуме (1932-тӥ арысен та дышетсконни ГИТИС нимаськыны кутскиз). Отын со дышетске режиссёръёсты дасянъя факультетын. 1932-тӥ арын техникумез йылпумъяса, берытске Удмурт шаере. 1932-тӥ арысен 1934-тӥ арозь, 1941-тӥ арысен 1946-тӥ арозь, 1951-тӥ арысен 1953-тӥ арозь — Кузьма Алексеевич кивалтэ драмая Удмурт театрен. 1953-тӥ арын — Удмурт театрлэн актёрез. Кузьма Ложкинлэн пуктэм ужъёсыз висъясько яркыт луэменызы. Кузьма Алексеевич геройёсызлэсь сямзэс-тодметсэс детальёс пыр возьматэ, актёръёсыз висъясько вылӥ сценической культураенызы.

Творчествоез[Тупатыны | вики-текстэз тупатыны]

К. А. Ложкинлэн тужгес но яркыт ужез — И. Гавриловлэн ужезъя 1931-тӥ арын пуктэм «Вало ӧр куашетэ» постановка. Со бордысен ӧсъёссэ вӧлъяз драмая Удмурт театр. 1933-тӥ арын К. Ложкин басьтӥське Н. В. Гогольлэсь «Ревизор» ужзэ сцена вылын пуктон борды. Со бере бӧрсьысь бӧрсе кылдо таӵе ужъёсыз:

Артист Кузьма Ложкин пӧртэм рольёсты шудыны пӧрмытӥз. Солы капчиен сётскизы комедия но драмая рольёс. Валтӥсь рольёсыз — Олёш («Зӥбет зурка» М. Петровъя), Азин (М. Гавриловъя), Юрмег («Сюан» В. Садовниковъя), Роман («Аннок» И. Гавриловъя). Кузьма Ложкин крезьгуро спектакльёсын но шудӥз. Тужгес но яркыт партиосыз: Дед Ничипор («Свадьба в Малиновке» В. Александрова), Кавалькадос («Поцелуй Чаниты» Ю. Милютинъя), Булда («Наталь» Г. Корепановъя).

Кузьма Алексеевич Ложкин 1952-тӥ арын пусъемын УАССР-ысь искусство удысысь дано ужась нимын, 1958-тӥ арын со луиз РСФСР-лэн калык артистэз. 1946-тӥ арын пусъемын «Данъян пус» орденэн, нош 1958-тӥ арын — Горд Знамя орденэн.

Удмурт театрлэн борддораз шуккемын Кузьма Алексеевичез данъясь пул.