Федотов, Михаил Иванович

Википедиысь материал
(Ыстэмын «Михаил Иванович Федотов» бамысь)
Перейти к навигации Перейти к поиску
Михаил Иванович Федотов
Ужъёсыз:

писатель[d]

Вордӥськон нуналэз:

7-тӥ коньывуонэ 1958({{padleft:1958|4|0}}-{{padleft:10|2|0}}-{{padleft:7|2|0}})

Вордӥськон интыез:

Ворца[d], Ворцинское сельское поселение[d], Яр ёрос, Удмурт Автономной Совет Социалист Республика, РСФСР, СССР

Кун:

Flag of the Soviet Union.svg СССР
Flag of Russia.svg Россия

Кулон нуналэз:

6-тӥ куартолэзе 1995({{padleft:1995|4|0}}-{{padleft:5|2|0}}-{{padleft:6|2|0}}) (36 ар)

Кулон интыез:

Иж, Удмурт Элькун, Россия

Михаил Иванович Федотов (1958—1995) — тодмо бесерман кылбурчи но журналист.

Улэм-вылэмез[Тупатыны | вики-текстэз тупатыны]

Михаил Иванович Федотов вордӥськиз 7-тӥ коньывуонэ 1958-тӥ арын Яр ёросысь Ворца гуртын бесерман семьяын. Удмурт кун университетын филологияя факультетын дышетскиз. Тунсыкъяськылӥз наукаен, но кылбуран удысэз азьпал радэ потӥз. «Удмуртия» книга поттониын трос аръёс ӵоже ужатозяз Михаил Федотов ваньмызлэсь сямен удмурт писательёслэсь книгаоссэс редактировать кариз, авторъёслы юрттэм сяна, ачиз но соослэсь дышетскиз. Пӧртэм аръёсы «Кенеш» журналын, «Советской Удмуртия» газетын тыршылӥз. Флор Васильев нимо премилэн лауреатэз луиз. Кылбурчилы кема улыны ӧз кылды. Куамын куать арескын, секыт висьыса, со улонысь кошкиз.

Творчествоез[Тупатыны | вики-текстэз тупатыны]

Михаил Иванович улытозяз поттэ 3 кылбур бичетъёссэ: 1986 арын «Тӧдьы юсьёс берто», 1988 арын «Берекет» но 1991 арын «Вӧсь». Кулэмез бере кузпалыз но эшъёсыз потто 2 кылбур бичетъёссэ: 1998 арын «Вирсэр — Пульс» но 2008 арын «Ӝуждала».

Нырысь книгаосызъя ик («Тӧдьы юсьёс берто», «Берекет») шӧдиськиз, М. Федотов дано улосвылчиезлэсь Флор Васильевлэсь йылолъёссэ азинтыны тырше шуыса. Пумен солэн кылбуран дуннеез аспӧртэмлыко луиз, «Вӧсь» книгаын азьпал радэ потӥз сыӵе лирической герой, кыӵеез удмурт лирикаын ӧй вал на. Со адями — трагической шӧмо; котырысь улон «сэрего» но «сьӧлыко» луиз бере, герой но ассэ «сэрего», «сьӧлыко» шуиз, сыӵе синмын ик дуннемы но шоры учкиз («Шедьтӥ, лэся, аслым берпум сэрег…»). Озьы пӧрмо яркытэсь психологической суредъёс. Кылсярысь, «Мон пырисько кезьыт вуэ…» кылбурын меӵак гожтэмын: «Лушкем кужым кыске кужмо, / Маке лекез вырӟе пушкам», герой ас лул-сюлмысьтыз пеймыт-кезьыт кужымъёсты вормыны но шунтыны ӝутске. «Укмысэтӥ этажысен» кылбурын сопал но тапал дуннеослэн интыенызы воштиськемзы озьы ик вапуммылы аспӧртэм дунъет луэ.

Оглом учконо ке, М. Федотовлэн кылбур книгаосаз куинь пӧртэм дунне возьматэмын. Одӥгез — уйпал Удмуртиысь вордӥськем палъёсыз, со «Берекет» книгаын возьматэмын бесерман дуннелы матын. Кыкетӥез — туала город, кытын герой аслыз пырон инты уг шедьты, отысь пегӟыны тырше. Куинетӥез — асэныз кылдытэм дунне, «берпуметӥ сэрег», пуштросэзъя со миф дуннелы матын. Вашкала мифъёсты, осконъёсты выль сямен валэктэменыз ик Михаил Федотов тужгес но аспӧртэмлыко луиз.

Кылбурчилэн тросэз малпанъёсыз быдэсмытэк кылизы. Соос пӧлысь одӥгез — бесерманъёслэн улонзы сярысь роман гожтон. Котьма ке но туала лыдӟись, В. Л. Шибанов верамъя, кылбур книгаосын тодматскыса но со романэз «шӧдыны» быгатоз. Сакгес гинэ учкыны, мургес гинэ малпаськыны кулэ.

В. Л. Шибановлэн «Вапумъёс чигиськыку…» статьяезъя