Пичи Каркалай

Бырем гурт Пичи Каркалай Малый Каркалай 56°59′43″ с. ш. 52°19′58″ в. д. Шаер Россия Улос Удмуртия Ёрос Ува ёрос Улӥсьёс (2016) 0 адями Часовой пояс UTC+4 Быдтон дыр 1975 ар

Пичи Каркалай Пичи Каркалай

Пичи Каркалай (ӟуч Малый Каркалай) — Удмуртиысь Ува ёросысь бырем ӟуч гурт. Со интыяськылӥз вылэм ёрослэн центрезлэсь 11 иськемын, Бадӟым Каркалай доры нуись сюрес дурын.

Кылдӥз XIX даурын, 70-тӥ аръёсы, Ува-Тукля волостьлэн музъемез вылын. Нолинск уездысь вуэм музъемтэм ӟуч крестьянъёс та гуртэз инъяллямзы.

Инъясьёс пӧлын Фёдор Коробейниковлэн, Евстигней Ляминлэн, Григорий Осокинлэн, Василий Сивковлэн семьяоссы вылэм.

1885-тӥ ар дырозь Каркалай гурт мерэ пырись гуртын 16 коркаем урам пуктэмын вылэм.

1920-тӥ арын гуртын 20 коркаез но 134 улӥсез луиллямзы ни. Бусыосызлэн площадез луэм 314 десятина. Сельсоветъёсыз кылдытон бере Пичи Каркалай пыриз Мушковайлэназ.

Ижысен Уваозь 20-тӥ аръёсы лэсьтэм чугун сюрес гуртлэсь 3 иськемлы палэнын ортчиз.

1933-тӥ арын гуртын «Красная Звезда» колхоз кылдӥз.

Быдӟым Атыкай ож дырын 4 адями быриз: А. Н. Коробейников, Л. Е. Коробейников, М. А. Коробейников но П. Х. Коробейников.

1950-тӥ арын колхоз кык бускеленыз огазеяськиз но «Азин нимо» нимаськыны луиз.

1959-тӥ арын гуртын 57 улӥсез гинэ вылэм.

1960-тӥ аръёсын Пичи Каркалайысь вань улӥсьёс кошкиллямзы.

Документъёсъя гуртэз быдтӥзы 27-тӥ декабре 1975 арын.