Вотка

Вотка
Вотка куншетэз Вотка кунпусэз
Шаер	Россия
Элькун	Удмуртия
Йырыз	Владимир Ушатиков
Кылдытон	1759
Территория  – ваньмыз	112,18 км²
Улӥсьёс (2001)  – ваньмыз  – плотность	96 861 867,1 адями/км²

Вотка карлэн кылдэмез герӟаськемын императрицаен Елизавета Петровнаен. 1757-тӥ арын со поттӥз Указ: Вотка шур дурын ӝутоно корт ӵыжатонъя завод. Лэсьтӥськонъя кыл кутӥсе юнматӥзы граф П. Шуваловез. Озьы 21-тӥ сентябре 1759-тӥ арын завод гижысь-пиньысь ужзэ мытӥз. Нырысетӥ нуналаз ик быдэсъяны кутскиз кун ласянь тужгес кулэ луись заказъёсты. Заводын макем огсыр ужъёс мынӥзы, сокем ӝог паськытаз та инты.

1831-тӥ арын заводлэн администрациез кивалтӥсьёслэсь куриз: Вотка заводэз но со котырез город нимано. Но воткаослэсь малпанзэс умоен ӧз лыдъялэ - быдэс даур ӵоже та интыез Вотка завод ик шуылӥзы на.

20-тӥ августэ 1935-тӥ арын Вотка черкогуртэз каризы город. Со пыриз Киров улос исполкомлэн Вотка горсоветаз. 22-тӥ октябре 1937-тӥ арын сое юнматӥзы Удмурт АССР-е.

Воткинск - Вотка ёрослэн шорсюлмыз. Ижен виссы - 62 километр, Москваен - 1 сюрс 191 километр. Городлэн огъя площадез 112,18 квадратной километр.

Город сылэ Вотка тымет дурын. Тымет кылдӥз, Вотка, Берёзовка но Шарканка шуръёсты огазеяса. Туннэ тыметлэн быдӟалаез 18 квадратной километр, Удмуртиысь тужгес бадӟымез луэ.

2009-тӥ арын лыдъян-чотанэз эскероно ке, Воткинскын 96 сюрс 936 улӥсез. Со пӧлысь ужась калык - 60 сюрс 990. Отын уло ӟучъёс - 83,1 %, удмуртъёс - 9,8%, бигеръёс - 3,7%, пӧртэм выжыысь калыкъёс - 3,4%.

Воткинск аспӧртэмлыко интыын сылэ - Ижез герӟа Шаркан, Дэбес ёросъёсын, Удмурт Республикаез - Пермь улосэн. Та городэтӥ ик ортче Пермь-Казань-Нижний Новгород газопровод. Ваньмыз-ӧвӧлэз 980 предприятиез вань, отын тырше 42 сюрслэсь трос адями. Татын пӧртэм удысъёс азинско ке но (сиён-юон поттонъя промышленность - 9,8%, лэсьтӥськонын кутӥськись материалъёсты дасянъя промышленность - 0,8%) валтӥсь интыын - машина поттон, корт ӵыжатон (85%). Вотка завод городлэн экономикаяз бадӟым инты басьтэ.

Во́тка – Удмуртилэн шунды ӝужан палаз интыяськем кар. Солэн историез герӟаськемын 1759 аре Вотка шур дурын корт поттон заводэз но та заводлэсь посёлоксэ кылдытонэн. Кар статус солы сётэмын вал 1935 аре гинэ. Ижлы туж матын (55 иськем). Улӥсьёслэн лыдзы ог 99,4 сюрс адями (2003).

Шор площадь

• Вотка карлэн официальной сайтэз (Ӟ)
• «Мой город» нимо калык энциклопеди: Воткинск (Ӟ)