Азин, Владимир Мартинович
| Владимир Мартинович Азин | |
 | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Полоцкий уезд[d], Витебская губерния[d], Российской империя[d] |
| Кун: | |
| Кулон нуналыз: |
18-тӥ тулыспалэ 1920[1] (24 ар) |
| Кулон интыез: |
неизвестно |
| Владимир Мартинович Азин Викискладын | |
Влади́мир (Вольдема́р) Марты́нович (Ма́ртинович, Миха́йлович) А́зин — Граждан ожысь герой, горд полководец.
Вордскемын 8-тӥ коньывуонэ (вуж стилья 26-тӥ куарусёнэ) 1895-тӥ аре Витебск губерниысь Полоцк утемысь Марьяново гуртын вуриськисьлэн семьяяз. Выжыезъя латыш (соин ик солэсь нимзэ пӧртэм сямен гожъяло). Дышетскиз черк приход школаын, собере Полоцкысь реальной училищеын (1910—1911). Ужаз куон фабрикаын, собере — вань Россиысь Горд кирослэн земской союзаз.
1916-тӥ арысен, толшор толэзьысен (Нырысетӥ дунне ож дыръя) — ожмаськись армиын. Службазэ Смоленск губерняын инженер батальонын ортчытъяз. 1917-тӥ арлэн пумаз Псков-Двинск палан немецъёс пумит ожмаськиз. 1918-тӥ аре толшор толэзе Азин латыш коммунизмо отрядлэн командирез луэ. Сокугес ик пыре большевик партие. Ӧжыт улыса, отрядэныз Вяткае лыктэ. 1918-тӥ арлэн пӧсьтолэзьысеныз кивалтэ Шунды ӝужан пал фронтысь Вятка батальонэн, собере, август толэзьысен — та фронтысь ик кыкетӥ армиысь Бурпал Арск группаез валтыны кутске. Сентябрь толэзе солэн группаез Кузонэз мозмытонын бадӟым рользэ шудыны быгатӥз. 1918 арысен, 7-тӥ куарусёнысен Кыкетӥ сводной дивизиез валтэ; со дивизиен азинлыко мозмытэ Сарапулэз, Ижез, Воткаез, Кунгурез, Красноуфимскез, Екатеринбургез. Ваньмыз со ожмаськонъёсын Азин возьматэ аслэсьтыз чик кышкасьтэм луэмзэ.
Собере Азин 10-тӥ армиысь 28-тӥ стрелковой дивизиез валтэ, ожмаське Колчаклы но Деникинлы пумит. 1920-тӥ аре 28-тӥ толшоре Азинлэн дивизиез нырысетӥез Маныч шур дуре потӥз, нош 17-тӥ тулыспалэ ини Мамонтовлэн вал вылын ворттӥсьёсыз сое быдэсак пазьгизы. Азин пленэ шедемын, но 18-тӥ тулыспалэ пленын виемын.
Солэн нимыз сётэмын Ижысь, Кузонысь, Полоцкысь ульчаослы.
Валэктонъёс
[Тупатыны | бамлэсь кодзэ тупатоно]- ↑ Азин Владимир Мартинович // Большая советская энциклопедия: [в 30 т.] — 3-е изд. — М.: Советская энциклопедия, 1969.
Литература
[Тупатыны | бамлэсь кодзэ тупатоно]- В. Н. Ладухин, Азин.
- Андрей Алдан-Семенов, Красные и Белые.
