Виноградова (Колесникова), Васса Кирилловна

Википедиысь материал
Перейти к навигации Перейти к поиску
Васса Кирилловна Виноградова
Вордӥськон дыръя нымыз:

Васса Кирилловна Колесникова

Ужъёсыз:

актриса

Вордӥськон нуналэз:

20-тӥ гудырикошконэ 1909(1909-08-20)

Вордӥськон интыез:

Удмурт Гондыр гурт, Алабго утем, Ватка губерния

Кун:

Flag of Russia.svg Российской империя[d]
Flag of the Soviet Union.svg СССР
Flag of Russia (1991–1993).svg Россия

Кулон нуналэз:

21-тӥ куарусёнэ 1992(1992-09-21) (83 аре)

Кулон интыез:

Ижкар, Удмуртия

Васса Кирилловна Виноградова (Колесникова) — удмурт актриса, УАССР-ысь дано артистка (1940), УАССР-ысь калык артистка (1952) — вордӥськиз 8-тӥ августэ 1909-тӥ арын Алнаш ёросысь Удмурт Гондыр гуртын.

1927-тӥ арын Алнашысь улыны выжиз Ижкарее. Ужаны интыяськиз Ижысь машиностроительной заводэ. Шутэтскон вакытаз вуттӥськылӥз Удмурт клубын шудыны-вераны. Огаз концертын солэн жингрес куараезлы синмаськизы драматургъёс К. А. Ложкин но И. Г. Гаврилов. Егит нылашез ас доразы — Удмурт театре — ужаны ӧтизы.

Аспӧртэмлыко быгатонлыкезлы луыса, Васса Кирилловналэн театр удысъя нимысьтыз дышетскемез ӧй вал ке но, соку ик учкисьлэсь сюлэмзэ ас палаз берыктӥз, рольёссэ туж вольыт быдэсъяз. Виноградовалэн валтӥсь рольёсыз: Жага («Кезьыт ошмес»), Наталь («Зӥбет зурка»), Чабъя («Камит Усманов»), Васса Железнова (М. Горькийлэн пьесаез), Туливить («Сюан»), Юбера («Аннок»), Дукъя («Вуж Мултан»), Зоя Кабышева («Вуж юрт»).

Васса Кирилловна, спектакльёсын шудэм сяна, К. К. Гаврилова актрисаен ӵош кырӟалляз-вералляз но. 1958-тӥ арын пусъемын «Знак почёта» орденэн но медальёсын.