Владыкин, Владимир Емельянович

Википедиысь материал
Владимир Емельянович Владыкин
Ужан удысэз: Ошибка Lua в Модуль:Wikidata/item на строке 87: attempt to call field 'wrapSnak' (a nil value).
Вордӥськем нуналыз: 20-тӥ южтолэзе 1943({{padleft:1943|4|0}}-{{padleft:3|2|0}}-{{padleft:20|2|0}}) (80 лет)
Вордӥськем интыез: Ошибка Lua в Модуль:Wikidata/Places на строке 222: attempt to call field 'getPropertyInBoundaries' (a nil value).

Влади́мир Емелья́нович Влады́кин — тодмо удмурт этнограф. Истори тодосъя доктор (1991), профессор (1992), Удмуртыись тодос удысын дано ужась (1989), Удмуртилэн кун премиезлэн лауреатэз (1995). Владыкин кылбурчи луыса но тодмо, Россиысь гожъясьёслэн огазеяськоназы пыре (1993). Вордскемын Можгалан 1943 аре 20 южтолэзе. 1966 арын МГУ-эз но отысь ик аспирантураез йылпумъяса, УдНИИ-ын ужаз, 1972 арысен — Удмурт кун университетын доцент луыса ужаз, 1988 арысен вашкала но шор дауръёсъя историлэн кафедраеныз кивалтüз, 1997 арысен — этнологи но улостодос кафедраен. 19741975 аръёсы Берлинысь Гумбольдт университететын стажировка ортчиз.

Можга педучилищеез йылпумъяса, Влади́мир Емелья́нович дышетскыны пыре Москваысь кун университетысь история факультетэ. Татысен ик 1969-тӥ арын этнографилы сӥзем кандидат диссертацизэ уте, нош 1991-тӥ арын - доктор диссертацизэ. Та вакытэ Владимир Емельянович тодматске тодмо ӟуч гожъяськисьёсын: С. Маршакен, А. Твардовскиен, Г. Свиридовен. 1969-тӥ-1972-тӥ аръёсы ужа УдНИИ-ын, 1973-тӥ арын выже Удмурт кун университетэ.

Та дышетсконниын ужакуз, кылдытӥз вашкала дуннелэн историезлы сӥзем кафедра. Соин Владыкин ог 10 ар кивалтӥз. 1974-тӥ-1975-тӥ аръёсы Берлиынсь университетын стажировка ортчиз, вуылӥз пӧртэм странаосы. Кылсярысь, Индие, Афганистанэвуылыкуз, удмуртиысь туристъёслы кылысь кылэ берыктüсь вал. Мыло-кыдо пыриськиз этнографилы сüзем пӧртэм экспедициосы. Гижысь-пиньысь выльзэ тодыны тыршиз удмурт калыклэн улэм-вылэмез сярысь. 1997-тӥ арын Удмурт кун университетын усьтӥз этнологи но улостодос нимын выль кафедра.

Владыкинлэн гожъяськон мылкыдыз пуромиз, Можгаысь педучилищеын дышетскыкуз. 1980-тӥ арын потӥз кылбуръёсыныз «Отчего поёт тюрагай?» книгаез. 1998-тӥ арын вордӥськиз мукетыз книгаез — «В народе говорят». Пусъёно: та кыкез но ужез дасямын ӟуч но удмурт кылъёсын. Огъя пуштросэз но паськыт: вордӥськем шаердэ яратон, калыклэн ортчем сюресэз но азьлань улонэз, ож, адями, тупаса улон.

Музон кылбурчиослэсь В. Владыкин висъяське мур малпаськыны быгатэменыз, философиен тунсыкъяськеменыз. Та сяна, со кылдытэ кылбуръёс-миниатюраос, кылбуръёс-метафораос но эссе жанр бордын тырше. 1992-тӥ арын удмурт литератураын нырысьсэ поттэ «Йыбыртскон» книга-эссе. Со сӥземын тодмо дас удмурт гожъяськисьёслы: К. Митрейлы, К. Гердлы, А. Окилы, Г. Красильниковлы, Ф. Васильевлы но мукет. 1993-тӥ арын сое пырто Россиысь Писательёслэн союзазы.

Удмурт фольклорлы сӥзем «Зарни крезь» 6 книгалэн Влади́мир Емелья́нович валтӥсь редакторез вал. 1995-тӥ арын Будапештын радъязы В. Владыкинлы сӥзем устолыко ӝыт. Таӵеез удмурт гожъяськисьёс пӧлын ӧй вал на.

1994-тӥ арын Владимир Владыкин поттэ тужгес бадӟым ужзэ — «Религиозно-мифологическая картина удмуртов» монографизэ. «Урал», «Арт», «Кизили», «Финно-угроведение» журналъёслэн редколлегиосаз пыриськылӥз, шаерысьтымы Нациосын ужан политикая министерствоысь экспертъёсъя но консультациосъя кенешлэн тӧроез луиз. Ужаз Удмурт Республикалэн Президентэз бордын но — нациосын герӟаськем ужпумъёсты сэрттылӥз-пертчылӥз. Тодон-валанзэ пыӵатылӥз егитъёслы — Москваысь кун университетын, Горький нимо литературая институтын, Глазовысь пединститутын, Берлинын, Лейпцигын, Будапештын, Хельсинкиын лекциос лыдӟылӥз. Россиын но кунгож сьӧрын ог 200 статьяоссэ печатлаз. Удмурт кылын ӟеч вераськем сяна, капчиен лабыртэ ӟуч, англи, немец кылъёсын. Ужъёсыз берыктэмын мадьяр, фин, эстон, пор, коми, англи, немеч кылъёсы.

1989-тӥ арын Владыкинлы сётӥзы УАССР-ысь дано ужась ним. 1991-тӥ арын Фин-угор обществолэн, Фин литературая мерлэн дано кунсьӧр ёзчиез луиз. Данъямын Удмурт Республикалэн кун премиеныз, Кузебай Герд нимо премиен.

Произведенииосыз:[Тупатыны | бамлэсь кодзэ тупатоно]

  • Отчего поет тюрагай = Марлы кырӟа тюрагай : [стихи, притчи, афоризмы] / Владимир Владыкин. — Ижевск : Удмуртия, 1980. — 146 с. — На рус. и удм. яз. — 5000 экз. — (В пер.)
  • В народе говорят = В народе говорят... : [стихи] / Владимир Владыкин ; [авт. вступ. ст. Вячеслав Ар-Серги]. - Ижевск : Издательство "Известия Удмуртской Республики", 2011. - 39 с. : ил. ; 14 см. - (Библиотека "Известия Удмуртской Республики". Ближние родники / автор серии Вячеслав Ар-Серги).
  • Йыбыртскон = Владыкин, Владимир Емельянович. Йыбырскон : удмурт литература сярысь 10 вакчияк буре ваёнъёс = Благодарение : 10 эссе об удмуртской литературе / В. Е. Владыкин ; [ил. П. Елкина]. - Ижевск : Удмуртия, 1992. - 120 с. : ил. - Текст парал. на рус. и удмурт. яз. - 2000 экз. - ISBN 5-7659-0391-6 (в пер.).
  • Религиозно-мифологическая картина удмуртов = Владыкин, Владимир Емельянович. Религиозно-мифологическая картина мира удмуртов / В. Е. Владыкин. - Ижевск : Удмуртия, 1994. - 383 с. : ил. - Рез. на англ. яз. - Библиогр.: с. 341-379 и в подстроч. примеч. - 1500 экз. - ISBN 5-7659-0505-6 (в пер.).