Кедра Митрей

Википедиысь материал
Кедра Митрей
Вордӥськыкуз сётэм нымыз: Дмитрий Иванович Корепанов
Ужан удысэз: Ошибка Lua в Модуль:Wikidata/item на строке 87: attempt to call field 'wrapSnak' (a nil value).
Вордӥськем нуналыз: 28-тӥ куарусёнэ 1892({{padleft:1892|4|0}}-{{padleft:9|2|0}}-{{padleft:28|2|0}})[1]
Вордӥськем интыез: Эгра, Глазов уезд, Ватка губерния, Россия империя
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Кулон нуналыз: 11-тӥ шуркынмонэ 1949({{padleft:1949|4|0}}-{{padleft:11|2|0}}-{{padleft:11|2|0}}) (57 лет)
Кулон интыез: СССР

Кедра Митрей (зэмос нитулыз Дмитрий Иванович Корепанов) — тодмо удмурт писатель, журналист, калыкез югдытӥсь.

Улон-вылонэз[Тупатыны | бамлэсь кодзэ тупатоно]

Вордӥськемын Ватка губерниысь Эгра черкогуртын 1892-тӥ арын 28-тӥ сентябре. 1904-тӥ арын йылпумъяз Эгра черкогуртысь церковно-приходской школаез, бӧрысь — 1907-тӥ арын — Зураысь кык классъем школаез. 1907-тӥ-1911-тӥ аръёсы тодон-валан люказ Кузонысь дышетӥсьёсты дасянъя семинариын. Сое йылпумъяны ӧз кылды: атеист мылкыдъёсыз понна семинариысь уллязы. Уж утчаса вуылэмын Иже, улэмын Кузонын но Пермьын, Сарапулын но Глазкарын. Дышетӥсь луон понна экзаменъёссэ сётэмез бере, сое ужаны басьто Сарапул уездысь Кулаки гуртысь школае. 1914-тӥ арын Дмитрий Ивановичез басьто армие, келяло Благовещенск городэ.

Революциез но граждан ожез пумита Чита городын. Отын со пыриськыны кутске Тасеево ёросысь партизанъёслэн ужазы.

1920-тӥ арын вордскем палъёсаз бертэ, ужаны интыяське Зура но Эгра ёросъёслэн калыкез дышетонъя ёзазы. 1922-тӥ арын пыре РКП (б) огазеяськонлэн радаз.

1923-тӥ арысен — «Гудыри» газетлэн корреспондентэз луыса тыршыны кутске. 1928-тӥ — 1930-тӥ аръёсы ужа Глазкарын РОНО-ын тырше. Со вие ик дышетскыны пыре Москваысь педагогикая университетэ. 1933-тӥ арысен кивалтэ Педагогикая Удмурт кун институтысь литературая но кылъя кафедраен, озьы ик УдНИИ-ысь кылъя но литературая ёзэн. 1934-1937-тӥ аръёсы кивалтэ УАССР-ысь писательёслэн огазеяськонэнызы. 1937-тӥ арын сое репрессия улэ кыско, 1946-тӥ арын пытсэтлэсь мозмыто. 1948-тӥ арын нош ик кечат-вамат корт сьӧры пытсало, Сибире келяло. Улонысь кошкиз, ссылкаын дыръяз. Кытын ватэмын Кедра Митрейлэн мугорыз — али ке но тодмо ӧвӧл.

Творчествоез[Тупатыны | бамлэсь кодзэ тупатоно]

«Викитекалэн» логотипез
«Викитекалэн» логотипез
Та авторлэн произведениосыз Викитекаын вань. → Кедра Митрей

Уж утчаса со толэзьёсын ветлэ Удмуртитӥ, но нокытын уг быгаты дышетӥсь уж шедьтыны, малыке шуоно солэн ӧй вал дипломез. Удмуртитӥ ветлыса со бича ас калыкезлэсь фольклорной материал. 1910—1911 аръёсын Кедра Митрей гожтэ ӟуч кылын автобиографической повесть «Дитя больного века». Та автобиографической произведение вера Кедра Митрейлэн школаын но Зураысь училищеын дышетскем сярысь, тросгес саклык висъяське Кузонысь семинариын дышетскемзэ возьматонлы. Биографизэ веранэ со пыртэ ас гуртэзлэсь но семьяезлэсь историзэ, чебересь инкуазь суредъёсты но туж трос пӧртэм адямиослэсь портретъёсты. Но со дырысь цензура ӧз лэзь та повестез печатланы, со потӥз 1993 арын гинэ.

Нырысетӥ чеберлыко произведениез поттэмын «Сандал» рукописной журналын. 1914 арын Кедра Митрей кошке эксэй армие. 1915 арын военной службаын луыкуз Благовещенскын со поттэ «Эш-Тэрек» трагедиез, кудӥз гожтэмын вал ӟуч кылын. Та трагедиын автор возьматэ 14 даурын удмуртъёслэн поръёсын ожмаськемзэс. Трагедилэн валтӥсь героез Эш-Тэрек будэ огшоры родоначальникысь Вань удмуртъёслэн тӧроёзь. Тушмонъёсты вормыса, удмуртъёс быгато вал пусъйыны ас вормонзэс, но Эш-Тэрек синмаське поръёслэн тӧролэн нылызлы Лӧдалы но удмуртъёсты предать каре. Дыр ортчыса удмуртъёс оскытӥзы Эш-Тэрекез Лӧда сое пӧяса возе шуыса. Ас калык азьын янгыш луэмзэ валаса Эш-Тэрек вие Лӧдаез но ассэ.

1926 арын потэ «Идна батыр» пьеса. Татын озьы ик возьматӥське 14 даур, но событиос ортчо «Эш-Тэрек» трагедиын возьматэм событиослэсь вазьгес. Татын Кедра Митрей ӝутэ сыӵе ужпум: одно ик-а кулэ ожмаськыны, яке тушмонъёсын одӥг кыл шедьтыны луэ.

1928 арын потэ поэма «Юбер батыр». Поэмаын Кедра Митрей вера 15 даурын ӟучьёслэн удмурт музъемъёсты завоеваниос сярысь. Та поэма луэ йылпумъян удмурт батыръёс сярысь трилогилы.

1920-тӥ — 1930-тӥ аръёсы гожтэ «Вужгурт» повестьсэ но «Секыт зӥбет» романзэ. Отын со возьматэ удмурт гуртлэсь курадӟемзэ: возьматэ удмуртъёсты христианствое кужмысь пыртэмзэс, куанер гурт калыклэсь улон понна нюръяськемзэс. «Вужгурт» повестьстэ автор выльысь тупатъяз но поттӥз выль нимын: «Вужгурт зурка».

1929 −1930-тӥ арозь Кедра Митрей Глазовысь педагогической техникумлэн директорез луыса ужа. Та дыре 1929-тӥ арын солэн потэ «Секыт зӥбет» романэз. Романлэн сюжетэз азинтӥське 19-тӥ даурлэн кутсконаз. Романлэн валтӥсь героез — Дангыр. Со пумит мынэ вордскем гуртысь удмурт калыкез кужмысь христианизацилы. Солэн яратоно нылыз — Дыдык, пегӟе ас картэзлэсь, кудӥз кужмысь басьтэ сое кышное, Дангыр доры. Но солы уг луы Дангырен ӵош улыны: Дангырез куто но келяло Сибире.

Кедра Митрейлэн трос веросъёсыз. Соос пӧлын: «Сурсву», «Калгись», «Нюръяськон». Кылем арлэн 20-30-тӥ аръёсаз Гердлы пумит султэмъёс пӧлын вал. 1928-тӥ арын пыриськиз Союзысь пролетар писательёслэн огазеяськонзылэн (ВААП) съездаз. Максим Горький доры куное вуылӥз. Удмурт кылэ берыктӥз фин писательлэсь П. Пайвяринтлэсь «Матвей с Голодной горки» повестьсэ.

Валэктонъёс[Тупатыны | бамлэсь кодзэ тупатоно]