Иж — Кузон электропоезд

Википедиысь материал
Кузон — Ижкар электропоезд ЭД9МК-0103 Можга станциысь кошке

Иж — Кузон электропоезд — ӝог пригородной электропоезд-экспресс. Удмуртилэсь но Татарстанлэсь шоркаръёссэс ог-огенызы герӟа. Поездлэн маршрутэз Удмуртиысь Завьял, Пичи Пурга, Можга но Кизнер ёросъёстӥ, Киров улостӥ но Татарстанэтӥ ортче.

Ижысен Кузонозь шонер электричкаез маршрут кузя нырысьсэ лэзизы 2001-тӥ арын коньывуон (октябрь) толэзе. Со дыре Горький чугун сюресын та маршрут тужгес но кузез вал (337 иськем). 2002-тӥ арын апрель толэзе Иж но Кузон куспытӥ мыныны-ветлыны кутскиз нырысетӥез ЭД9МК электропоезд, кудӥзлэн составаз пӧртэм классо вагонъёс вал[1].

2013-тӥ арын Иж — Кузон огъя электропоездэз кык нимаз электричкалы люкизы (Иж — Кизнер но Кизнер — Кузон). Таин сэрен пассажиръёсызлы Кизнер станциын кылдэмын ог поездысь мукетаз умойтэм пуксьылон[2].

Станциос[Тупатыны | бамлэсь кодзэ тупатоно]

Ижысен Кизнерозь: Ижевск, Лудзя, Юски, 9-тӥ км, Агрыз, Уром, Карамбай, Пычас, Можга, Сардан, Люга, Саркуз, Ягул, Кизнер (мукет поездэ выжон).

Кизнерысен Кузонозь: Кизнер, 962-тӥ км, Сосновка, Заструг, Ямное, Вятские Поляны, Кукмор, Братъёс Комаровъёс, Шемордан, Арск, 804-тӥ км, Компрессорной, Ометьево, Метро Аметьево, Кузон.

Валэктонъёс[Тупатыны | бамлэсь кодзэ тупатоно]

  1. Морохин, Николай (2019-04-19) Страницы истории дороги(ӟуч) «Волжская магистраль». Эскеремын 2019-05-14 аре
  2. Сунцова, Юлия (2013-03-20) Это приказ!(ӟуч) ИА «День». — Кто виноват в пересадке между Ижевском и Казанью?. Эскеремын 2019-05-14 аре