Ильин, Михаил Ильич
| Михаил Ильич Ильин | |
| Ужан удысэз: | |
|---|---|
| Вордӥськем нуналыз: | |
| Вордӥськем интыез: |
Макан-Пельга, Старокармыжское сельское поселение[d], Кизнер ёрос, Удмурт Автономной Советской Социалистической Республика, СССР |
| Кун: | |
| Кулон нуналыз: |
18-тӥ южтолэзе 1935 (58 ар) |
| Кулон интыез: |
Пичи Пурга, Малопургинское сельское поселение[d], Пичи Пурга ёрос, Удмурт Автономной Советской Социалистической Республика, Кировский край[d], РСФСР, СССР |
.svg){kind=small}
Михаил Ильич Ильин — удмурт поэт, удмурт кылбурет удыслы кутскон сётӥсь. Улӥз 1876-тӥ-1935-тӥ аръёсы. Гожъяськиз Гуртысь Пересь, Пересь дышетӥсь, Мер пи псевдонимъёсын.
Вордскиз 1876-тӥ арын 25-тӥ ноябре туала Кизнер ёросысь Макан-Пельга гуртын. 1895-тӥ арын йылпумъяз Казаньысь дышетӥсьёсты дасянъя семинариез. Ужаны кутскиз Татарстанысь Бавлы ёросысь Урустамак гуртын. Бӧрысь ужаз Алнаш ёросысь школаын. Тодон-валан сётӥз Алабгоысь дышетӥсьёслы дасянъя семинариын, Можгалась педтехникумын, Ижысь педтехникумын.
Азьланяз тыршиз «Гудыри» газетлэн редакцияз. Со сяна, солы оскизы Удмуртиысь шаертодонъя музейлэн директорезлэсь удыссэ.
1928-тӥ арын пыриське «Соперницы» нырысетӥ удмурт кинофильмез дасянэ. Татын со этнографияя юанъёсъя консультант луыса тыршиз.
Михаил Ильинлэн нырысетӥ гожъямъёсыз вордскизы удмурт фольклорез бичан сяменыз. Со вакытэ ик 1915-тӥ арын быдэсмиз «Игры и хороводы вотской молодёжи весной» очеркез.
Нырысетӥ кылбуръёсыз потӥзы «Войнаысь ивор» газетын. Со сяна, гожъямъёсыз пыризы «Удморт кылбуръёс» (Алабго, 1919) но «Удмурт кырӟанъёс» (Кузон, 1920), «Кылбуръёс» (Алабго, 1921), «Кылбуръёс» (Ижкар, 1926) гожъясьёслэн огъя сборникъёсазы.
М. Ильинлы луыса, удмурт литературае пыӵаз «кылбур» кыл. 1920-тӥ арын «кывбур» формаен со пыриз коми кылэ но. Михаил Ильинлэн аслаз 5 сборникез потӥз. 1926-тӥ арын дасям бичетэзлы гуръёс но гожтэмын вал. Озьы ик рукописьын утиськемын «Нади» повестез. Со сяна, Ильин туж ӵем гожъяськиз удмурт изданиосы. Кылсярысь, 1927-тӥ арын солэн 297 пумо материалъёсыз печатласькизы газет бамын.
Нырысетӥ писательёс пӧлын Ильинэз кутӥзы удмурт писательёслэн ВУАРП огазеяськоназы.
1923-тӥ арын Удмурт автономной областьлэн кивалтӥсьёсыз Михиал Ильинлы сётӥзы Ужысь Герой дано ним, 1934-тӥ арын нимысьтыз пенсия висъязы. Кулытозяз Михаил Ильин ужаз удмурт калыклэн сямъёсызлы, йылолъёсызлы, историезлы сӥзем материалъёс дасян бордын. Озьы ке но солэсь нимзэ шара поттылӥсь ӧй вал 1950-тӥ арозь — кивалтӥсьёслы ӧз яра Михаил Ильинлэн инмарлы оскон шара мылкыдъёсыз. Кулӥз Михаил Ильич 1935-тӥ арын Пичи Пурга черкогуртын.
