Зура

Википедиысь материал
Перейти к навигации Перейти к поиску
Черкогурт
Зури
Zura-5.jpg
Быдӟым отечественной войнаын быремъёслы Зураын интыяськем мемориал

Координатаос: 57°36′22″ у. ш. 53°23′30″ ӵ. д. / 57.606111° у. ш. 53.391667° ӵ. д. (G) (O) (Я)57°36′22″ у. ш. 53°23′30″ ӵ. д. / 57.606111° у. ш. 53.391667° ӵ. д. (G) (O) (Я)

Шаер Россия
Улос Удмуртия
Ёрос Эгра ёрос
Улӥсьёс 2880 адями (2009)
Часовой пояс UTC+4
Почта индексъёс 427161

Зури (Удмуртия)
Зури
Зури

Зура (Зури)Эгра ёросысь черкогурт, быдӟалаезъя та кыкетӥ населённой пункт, Зура гурт поселениелэн административной центрез луэ.

Интыяськемын Эгралэсь шундыӝужан пала 19 иськемлы но Ижкарлэсь 85 иськемлы уйпала. Черкогурт пыр ортче Ыта шур, Лоза шурлэн бурпал притокез. Гурт вӧзтӥ ортче Р242 трасса, объездной сюрес пуктытозь со гурт пыр ортчиз.

Историез[Тупатыны | вики-текстэз тупатыны]

Официальной летописьёсын Зура сярысь верамын 1646-тӥ арын. Соку ини татыын 11 азбар вылэм.

XIX дауре черкогурт пыр ортче вылэм сибирь тракт, Кузонэз но Екатеринбургез герӟась люкетэз. Трактлы луыса пуктэмын вал почтовой станция но этапной тюрьма (солэн юртэз XX-ын земской училищелы сётэмын, нош 1976-тӥ арысен федерал значениен луись синпелет лыдъяське)[1][2].

Революцилэсь азьвыл Зура пыре вал Ватка губерниысь Глаз утемысь Эгра волосте. Дасэтӥ ревизилэн гожтэмзыя 1859-тӥ арын черкогуртын 113 юртын улэм 907 адями[3].

1918 арын Зура луэм выльысь кылдытэм Зуринской волостьлэн центрез, нош 1929-тӥ арын Зура ёрослэн. 1956-тӥ арын гурт пыртӥське Эгра ёросэ.

Пу черк пуктэмын вал 1847. 1894-тӥ арын пуктэмын выль излэсь черк[4]. УАССР-лэн ВС-лэн Президиумезлэн постановлениезъя 1938 арын черк пытсаськиз. 90-тӥ аръёсы гинэ юрт вӧсяськисьёслы берыктэмын, нош 2001-тӥ арысен региональной значениен культурной объект шуыса лыдъяське. Черк азьын площадьын ортчылэм Митрофановской базар, кудаз люкаськылӥизы котыр гуртъёсысь улӥсьёс[5].

Зура волость[Тупатыны | вики-текстэз тупатыны]

Зура волость кылдытэмын вал Глаз утемын 2-тӥ оштолэзе 1918-тӥ арын. 1921-тӥ арын Зура волость Дэбес уездэ пыртӥське, нош 1924 арын ини, расформированиен йыринь, берытске Глаз утеме. Со аре ик Глаз утеме ватсасько быдтэм Большепургинской, Игринской но Чутырской волостьысь куд-ог гуртъёс.

1924 арын волостьын валь 7 сельсовет: Большепургинской, Быдзимошурской, Гереевской, Деменлудской, Зуринской, Игринской но Сепский. 1925-тӥ арын 11 сельсовет луэм ни: нош кылдытэмын вылэм Бачкевскойй, Кузьмовырской, Сепожской но Тюптиевской сельсоветъёс,1929 арозь волостьлэн огинэтэз ӧз вошъяськы.

1926-тӥ арын поттэм СССР-лэн Административной но улосвыл люкылэмъёсын справочникезъя, волостьлэн площадез 652 км² вылэм, озьы ик татчы пыро вал 118 гуртъёс,кудаз оглом 3370 юртъеръёс но 22295 адями вылэм[6].

1929-тӥ аре территориальной реформая волость быдтэмын вал,нош со гуртъёсысь ёрос кенешъёс пыртэмын Зура ёросэ.

Зура ёрос[Тупатыны | вики-текстэз тупатыны]

ВЦИК президиумлэн постановлениезъя 1929-тӥ арын 15 пӧсьтолэзе ёрос кылдытэмын вал. Татчы пыризы Зура, Поломской но Якшур-Бодьинский волостьысь сельсоветъёс.

Оглом ёросэ пыртэмын вал 16 сельсоветъёс: Бачкеевской, Большепургинской, Быдзимошурской, Вукогуртской, Гереевской, Деменлудской, Зуринской, Игринской, Карачумской, Косолюкской, Кузьмовырской, Сепской, Сепожской, Тюптиевской, Чубоевской, Штанигуртской но "Факел»заводлэн поселковой советэз. 1931-тӥ арын ёрослэн площадез 1578 км² вылэм, татын вал 175 населённой пункт, кудаз улӥзы 33198 адями[7].

1937 арын ӝыны ёрос выльзэ кылдытэ — Эгра ёрос. 1954-тӥ арын сельсоветъёсты бадӟыматон реформая Большепургинкой, Карачумской, Быдзимошурской сельсоветъёс быдтэмын, соослэн улосвылзы люкемын кылем 7 сельсоветъёс вискын. Нош 1956-тӥ арын ёрос воксё быре, улосвылзэ люко Эгра, Дэбес но Балезино ёросъёс вискын.

Гуртын вордскемын Совето Союзлэн героез Спиридон Стрелков.

Экономика но социальной удыс[Тупатыны | вики-текстэз тупатыны]

Гуртлэн валтӥсь предприятиез ООО «Зуринской Агрокомплекс» луэ, кудӥз кылдытэмын «Зуринской» совхозлэсь. Со сяна вань на: ООО «Зура Етӥн», ООО «Зура-Агро», ООО «Зура мясокомбинат».

Зураын вань МОУ «Зура шор ёзо школа», ГСОУ «Зура школа-интернат», МДОУ «Нырысетӥ номеро Зура нылпи сад», МДОУ «Кыкетӥ номеро Зура нылпи сад», Играысь кыкетӥ номеро школалэн филиалэз, Игра краеведческой музейлэн филиалэз, участковой эмъюрт, фельдшерско-акушерский пункт.

Валэктон[Тупатыны | вики-текстэз тупатыны]

  1. Объекты культурного наследия (памятники истории и культуры) федерального значения
  2. Памятники архитектуры и истории — Сибирский Тракт
  3. Списки населенных мест Российской империи. Том VIII. Вятская губерния. Список населенных мест по сведениям 1859—1873 годов.
  4. Государственное учреждение «Центральный государственный архив Удмуртской Республики» № ф. 11, Митрофановская церковь с. Зура Зуринского района УАССР, (1845—1938 гг.) (1845—1927) ЦГА УР. Эскеремын 2010-04-24 аре
  5. В Игринском районе возродили праздник предков
  6. Территориальное административное деление Союза ССР на 1-е января 1926 г. Издательство Главного Управления Коммунального Хозяйства НКВД. Москва. 1926 г.
  7. Административно-территориальное деление Союза ССР. Районы и города СССР. Издательство «Власть Советов» при президиуме ВЦИК. Москва. 1931 г.

Чӧлсконъёс[Тупатыны | вики-текстэз тупатыны]