Лужанин, Афанасий Васильевич

Википедиысь материал
Афанасий Васильевич Лужанин
Вордӥськыкуз сётэм нымыз: Афанасий Васильевич Корепанов
Ужан удысэз: кылбурчи
Вордӥськем нуналыз: 25-тӥ толшоре 1912(1912-01-25)
Вордӥськем интыез: Лужан гурт, Сарапул утем, Ватка губерния
Кун: Ошибка Lua в Модуль:Wikidata/Places на строке 531: attempt to call field 'getPropertyInBoundaries' (a nil value).
Кулон нуналыз: 22-тӥ толшоре 1966(1966-01-22) (53 арес)
Кулон интыез: Ижкар, УАССР, РСФСР, СССР
Данъянъёсыз:

«Знак Почёта» орден

Афанасий Васильевич Лужанин (Корепанов) — (12-тӥ толшоре 1912-тӥ арын Лужан гурт, Эгра ёрос — 1966-тӥ арын) — удмурт кылбурчи.

Улон сюресэз[Тупатыны | бамлэсь кодзэ тупатоно]

Дышетскиз Дэбес ёросысь неполной шор ёзо школаын. Собере дышетскыны пыриз Глазовысь педагогической техникуме, нош куштӥз атаез кулэмез бере. Быдтӥз краткосрочной курсъёсты Якшур-Бӧдья черкогуртын. 1934—1938 быдтӥз Удмурт пединститутлэсь вечерней отделениез. 1933-тӥ арысен журналист луыса ужаны кутскиз удмурт газетъёсын «Ижевская правда», «Егит большевик», «Дась лу!». 1940-тӥ арын кошке Совето армие но Быдӟым Атыкай ож дыръя шеде Иж гарнизонэ. 1944-тӥ арын луэ Удмурт гожъяськисьёслэн союзазы тӧро луэ, кытын со ужа 1950-тӥ арозь. Афанасий Васильевич Лужанинлэн кылбуран куараез юнмаз Быдӟым Атыкай ож аръёсы но, собере но. Вордӥськем музъемез утёнлы, калык куспын эшъяськыса улонэз юнматонлы сӥзем кылбуръёсыз но поэмаосыз ӟырдыт мылкыдзэс туннэ но ӧз ыштэ. Лыдӟисьёслы тужгес тодмо луиз Граждан Ож вакытэз возьматӥсь «Осотовецъёс» поэмаез. Жингрес кырӟанъёс луыса, калыке паськыт вӧлмизы «Бусъёсын шобырскизы», «Насьток но Исьток» кылбуръёсыз. Эшъёсыз, тодмоосыз Лужанин сярысь ӵем дыръя тазьы шуылозы вал: «Удмурт Крылов!» Зэм но ӟуч кылбурчи музэн ик, асьме литератураын со котькинлэсь трос устоесь басняос кылдытӥз но та жанрез вылӥе ӝутӥз. Кылбурчи синазькыл кариз ужаны люкетӥсь азьтэмъёсты, вылтӥяськисьёсты сереме уськытӥз йыртэмасьёсты, юисьёсты. Гожтэм ужъёсыз асьмеды бордазы кыско, сюлмаськыто, малпаськыто но пальпотто. 35 ар творческой деятельностяз Лужанин удмурт кылын 9 кылбуръёсын сборникъёс поттӥз. Афанасий Лужанин вал берыктӥсь. Со берыктӥз Пушкинлэсь, Гогольлэсь, Некрасовлэсь, Горькийлэсь, Мицкевичлэсь произведениоссэс. Солэн литературной но мер ужъёсыз понна солы сётэмын «Знак Почёта» орден, медальёс, но Почётной Грамотаос Удмурт Вылӥ Кенеш Президиумлэсь.