Тэремшур кускылиос

Википедиысь материал
Файл:Teremshur kuskylios.JPG
"Тэремшур кускылиос" 10 арессэс пусйизы

Тэремшур кускылиосТатарстан улосысь Менделеевск ёросысь Тэремшур шоръёзо школаысь фольклор ансамбль.

Та коллектив Вера Семёновна Степановалэн быгатонлыкъёсыз, мылкыдыз, кутскем ужзэ азьланьтыны тыршемезлы луыса кылдӥз но азинске. Туннэ нуналлы «Тэремшур кускылиослэн» вормонъёссы но ӧжыт ӧвӧл ни. Россилэн пӧртэм каръёсаз ортчись конкурсъёсы вуылыса (Казане, Санкт-Петербурге но трос мукет каръёсы), соос асьсэды туж йӧно, чебер возьматылӥзы, призовой интыос октӥзы. Соин соосты асьсэ ёросазы гинэ уг ӧвӧл, палэнын но тодо. Ансамбль пыр потэмъёс табере дышетско, ужало, «Айкай» но мукет коллективъёсын кырӟасьёсыз вань.

2012-тӥ арын та ансамбльлэн 10 аресъем юбилеез Менделеевск карысь культурая юртын радъяськиз. Отчы быдэс зал тыр калык люкаськиз, трос ӟечкыланъёс, шуныт кылъёс верамын вал. Куноос пӧлысь одӥгез — Константин Геннадьевич Макаров — бадӟым инты ансамблез кылдытонын басьтэ. Ӵапак со, Тэремшур шоръёзо школалын директор луыса ужакуз ай, нимысьтыз ансамбль кылдытон сярысь кылпум поттэм. Со бере ик Вера Семёновна Степанова «Тэремшур кускылиосыз» бичаз. Та коллективез кылдытонэ, азинтонэ, калыке поттонын со трос кужымзэ, мылкыдзэ сётиз но сётэ. «Тэремшур кускылиос» ансамбле вань классъёсысь дышетскисьёс ветло.