Ижевск станция

	Ижевск станция
	Горький чугун сюрес
Чугун сюреслэн люкетэз:	Иж отделение
Операторез:	«Россиысь чугун сюресъёс»
Усьтон дырыз:	1919 ар
Азьвыл нимъёсыз:	Ижевск I
Тип:	пассажирской, грузовой, технической
Платформаослэн лыдзы:	3
Сюресъёслэн лыдзы:	12
Электрификаци ар:	1990 ар
Потымон интыос:	Гагарин урам, Дружбы урам, Пойма урам
Интыяськон:	Иж кар, Ленин ёрос
Пуксьымон транспорт:	Тм 1, 3, 9, 12; ; А 21, 22, 25, 36, 319, 357 ; Мт 49, 71
Огырчи дорозь кусып:	33 км
Муско дорозь кусып:	≈1150 км
Тарифъя зона:	0
Станцилэн кодэз:	255409
АСУЖТ код:	255409
«Экспресс-3» код:	2060150
	Ижевск станция WikiCommons-ын

Та кыллэн мукет валатонъёсыз но вань, учке Ижевск (валатонъёсыз).

Ижевск станция — Горьковской чугун сюреслэн Иж люкетысьтыз чугун сюрес станция но валтӥсь вокзал. Ижкарлэн валтӥсь чугун сюрес вокзалэз. Станция усьтэмын 1919 арын. Городлэн лымшор палаз интыяськемын, Гагарин но Пойма урамъёс вискын.

Станция пассажиръёслы билетъёс вузалля, багаж кутылэ но сётъя, озьы ик котыръёсын ужалля.

Историез

Ижевск станциез усьтон герӟаськемын Нырысетӥ дунневыл ож кутсконэн. Соку Иж но Вотка заводъёсысь продукцизэс ӝог нуллыны кулэлык кылдэм. Озьы, 1915-тӥ арын Иж заводэ Кузонысь Огырчи пыртӥ чугун сюрес вуиз. Толэзь улыса, 15-тӥ (28-тӥ) куартолэзе ни та сюрес Вотка завод дорозь кузёмытэмын вал но, Иж но Вотка куспын нырысетӥ составъёс ветлыны ӧдъязы.

Ижын станциез посёлок пумын лэсьтӥзы («Хозяйственной база» туала дугдылонни ёросын). Куд-ог дыр ортчыса валамон луиз, со инты станцилы уг лэся шуыса. Солэсь иськемын выль инты быръемын вал, кытын 1950-тӥ арын вокзаллы выль юртэз ӝутыны кутскизы. 1954-тӥ арын ини станция выль интыяз усьтӥськиз. 1971-тӥ арын пригород чугун сюрес вокзал лэсьтэмын.

23-тӥ куартолэзе 1977-тӥ арын Ижевск станциысь Совето Союзлэн шоркарезлань потӥз нырысетӥез «Удмуртия» скорой поезд. 1990-тӥ арын станциез переменной токен Огырчиозь электрифицировать каризы. 2001-тӥ арын коньывуон (октябрь) толэзе Ижкар вокзалысь Кузонэ шонер электричкаез лэзизы. 2004-2009 аръёсын вокзаллэсь юртъёссэ выльдон ортчытэмын^[2].

Станциетӥ кыдёке мынӥсь поездъёс

Арбыт мынылӥсь поездъёс

Поезд лыд	Маршрут	Поезд лыд	Маршрут
25 «Италмас»	Иж — Муско	26 «Италмас»	Муско — Иж
51	Иж — Нижний Новгород	52	Нижний Новгород — Иж
127	Иж — Екатеринбург	128	Екатеринбург — Иж
131	Санкт-Петербург — Иж	132	Иж — Санкт-Петербург
325	Пермь — Новороссийск	326	Новороссийск — Пермь
353	Пермь — Адлер	354	Адлер — Пермь
367	Киров — Кисловодск	368	Кисловодск — Киров

Сезонэ мынылӥсь поездъёс

Поезд лыд	Маршрут	Поезд лыд	Маршрут
451	Иж — Адлер	452	Адлер — Иж
497	Иж — Адлер	498	Адлер — Иж
507	Иж — Новороссийск	508	Новороссийск — Иж
515	Иж — Анапа	516	Анапа — Иж
527	Киров — Анапа	528	Анапа — Киров
529	Киров — Анапа	530	Анапа — Киров
591	Приобье — Пермь — Анапа	592	Анапа — Пермь — Приобье

Валэктонъёс

↑ Железнодорожные станции СССР. Справочник. — М.: Транспорт, 1981 (ӟуч)
↑ Здание Железнодорожного вокзала (ӟуч)

Чӧлсконъёс

Поездъёслэн расписанизы

[1] Железнодорожные станции СССР. Справочник. — М.: Транспорт, 1981 (ӟуч)

[2] Здание Железнодорожного вокзала (ӟуч)

[1]

[2]