Пуштросэз вылэ выжоно

Камбарка

Википедиысь материал
Кар
Камбарка
Флаг Герб
Флаг Герб
56°16′ с. ш. 54°12′ в. д.HGЯO
Кун Россия
Историез но географиез
Кылдэм дырыз 1767
Площадез
  • 26,473 квадратный километр
Шоринтылэн ӝуждалаез 75 метр
Часовой пояс UTC+04:00[d]
Улӥсез
Улӥсез
Лыдпусо тодметъёс
Телефон кодэз +7 34153
Почта интыпусэз 427950–427959
Показать/скрыть карты
Камбарка на карте
Камбарка
Камбарка
Логотип Викисклада Медиафайлы на Викискладе

КамбаркаУдмуртиысь кар, Камбарка ёрослэн центрез. Улӥсьёсыз – ог 11 сюрс адями (2014).

Историез[Тупатыны | бамлэсь кодзэ тупатоно]

Камбарка городлэн историез меӵак герӟаськемын татын завод кылдытонэн. 21-тӥ феврале 1741-тӥ арын Урал заводъёслэн кузёзы Акинфий Демидов башкиръёслэсь музъемзэс басьтӥз. 1761-тӥ арын татын ӝутӥськыны ӧдъяз кык завод — корт ӵыжатон но пул пилён. Завод паськытамен валче бордаз бадӟыманы ӧдъяз посёлок но. 1917-тӥ-1923-тӥ аръёсы Камбарка Пермь улосысь Осинск уездлэн шорсюлмыз вал. 1924-тӥ арын сое огазеязы Удмурт Республикае но думизы Сарапул ёрос борды. 1924-тӥ арын нимаз ёрослы люкизы но бордаз 14 сельсовет пыртӥзы.

Граждан ож вакытэ Камбаркаез кык пол мозмытъяз Азинлэн дивизиез. 1919-тӥ арын городысь пристаньын кык нунал сылӥз «Красная звезда» агитпароход. Татын большевикъёслэн партизылы дурбасьтыса, агитацие пыриськиз Н. К. Крупская.

1929-тӥ арын Камбарка заводэз ужасьёслэн посёлокенызы нимазы. 1933-тӥ арын городлы выль шокчон сётӥз татын усьтӥськем выль завод. Отын чугун сюрес платформаос поттыны ӧдъязы, озьы ик тепловозъёс но лэсьтӥзы. Калыклы уж инты ӵекто газ тӥрлык поттонъя завод (1992), машина лэсьтон завод.

1945-тӥ арын посёлокез город нимазы. 1955-тӥ арын городын усьтӥськиз нырысетӥ лесотехнической техникум. 1960-тӥ арын — крезьгуръя школа. 1964-тӥ арын городын кылдӥз ёрослэн но городлэн историзылы сӥзем музей.

Промышленность[Тупатыны | бамлэсь кодзэ тупатоно]

Али Камбарка тодмо луэ татысь люизитэз — яд суретъёсты — быдтонъя заводлэн ужаменыз. Уго совето аръёсы татчы люказы быдэс Совето Союзысь 90 процентсэ люизитэз. Заводын чакламын таӵе яд суретъёсты быдтыны, нош азьланяз татын промышленность азинскыны кулэ.

Социальной удыс[Тупатыны | бамлэсь кодзэ тупатоно]

Туннэ городын вань 4 шор ёзо школа, нылпиослы крезьгуръя школа, искусствоосъя школа, 7 нылпи сад, 3 библиотека, больница. Городын печатлаське «Камская новь» газет.

  1. 26. Численность постоянного населения Российской Федерации по муниципальным образованиям на 1 января 2018 годаФедеральная служба государственной статистики.