7 оштолэзь

7 оштолэзь — арлэн 97-тӥ нуналыз (98-тӥ нунал високосной арын) григорианской календарья. Выль арозь 268 нунал кыле.

Али дыре юлиан календарьлэн 25-тӥ южтолэзезлы огкадь луэ.

Праздникъёс

• Тазалыклэн дунне нуналыз

Луэм учыръёс

• 1348 — Прагаын кылдытэмын Карл университет, нырысетӥез Шунды ӝужан пал Европаын.
• 1541 — Франциск Ксаверий миссионерлэн Восток пала мынон-ветлонэз кутскем.
• 1789 — Селим III луиз Осман империлэн султанэз.
• 1795 — метр Франциын кузьдала мертанлы валтӥсь единица каремын.
• 1824 — Николай Голицын Петербургысь Филармони обществолэн залаз Бетховенлэн «Торжественной мессаезлэсь» дунне премьеразэ ортчытӥз.
• 1919 — Иж пала ӝог азьланьскись колчакъёсты дугдытыны тыршыса, Горд армия Сарапулын Кам вамен выжез пуштытӥз.
• 1939 — фашистской Италилэн Албания вылэ урдӥськемез.
• 1946 — РСФСР-лэн составаз кылдытэмын Кёнигсберг улос.
• 1948 — Быдэс дуннеысь тазалыкез утёнъя организацилэн уставезлэн кужымез улонэ пыриз.
• 1963 — Югославия ялэмын социалистической республика.
• 1989 — Норвеги зарезьын выйиз совето атомной подводной лодка К-278 «Комсомолец».
• 1994 — Рунетлэн вордскем нуналыз: .ru зонаын нырысетӥез домен кылдытэмын.
• 2003 — Ирак ож: американ войскоос киултӥзы Багдадэз.
• 2010 — Кыргызстанысь кыктэтӥ революция сэрпалтӥз президентэз Курманбек Бакиевез.

Вордскизы

• 1772 — Франсуа Фурье, Франциысь социалист-утопист.
• 1893 — Аллен Даллес, Америкаысь кун ужась, ЦРУ-лэн директорез 1953—1961 аръёсын.
• 1937 — Анатолий Мамонтов, удмурт хоровой дирижёр, «Италмас» ансамбльлэн художественной кивалтӥсез, Удмуртиысь калык артист.
• 1939 — Фрэнсис Форд Коппола, Америкаысь кинорежиссёр, сценарист но продюсер.
• 1943 — Шандор Чуч, венгер кылчи.
• 1944 — Герхард Шрёдер, немец политик, Германиысь федерал канцлер 1998 арысен 2005 арозь.
• 1949
  • Наталья Харина, Удмуртиысь политик, кун но мерлыко ужась, эмчи.
  • Валентина Матвиенко, Россиысь политик.
• 1954 — Джеки Чан (зэмос нимыз Чан Кон Сан), Гонконгысь но Америкаысь актёр, режиссёр, продюсер, каскадёр.
• 1957 — Александр Ожмегов, 2011-тӥ арысен 2018-тӥ арозь Ижысь Ленин ёрослэн администрациезлэн тӧроез.
• 1962 — Михаил Круг, Россиысь кырӟась.
• 1964 — Рассел Кроу, Выль Зеландиысь актёр.
• 1970 — Марианна Максимовская, Россиысь телеведущая.
• 1976 — Михаил Полицеймако, Россиысь актёр но телеведущий.

Кулӥзы

• 1614 — Эль Греко, Испаниысь художник.
• 1943 — Александр Мильеран, Франциысь политик но кун ужась, Францилэн президентэз (1920—1924).
• 1947 — Генри Форд, Америкаысь бизнесмен.
• 1986 — Леонид Канторович, совето математик.