Якшур-Бӧдья ёрос

Википедиысь материал
Якшур-Бӧдья ёрос
Герб Флаг
Якшур-Бӧдья ёрос Удмуртилэн карта вылаз
Центр Якшур-Бӧдья
Улӥсьёс
 - ваньмыз 23 813
 - плотность 13,4 адями/км²
Территория
 - ваньмыз 1778,4 км²


Якшур-Бодья (Якшур-Бӧдья) ёрос — Удмурт Республикае пырись ёрос. Интыяськемын шаерлэн шораз, Тыловай вырйылын 1778,4 квадрат иськем вылын, 63%-эз шобыртэмын нюлэсэн. Якшур-Бӧдья ёрос пыр бызё таӵе шуръёс: Мукшинка, Большая Умринка, Чур, Сылӥзь (Селычка), Оӵ (Иж) но мукет. Ёрослэн шорсюлмыз — Якшур-Бӧдья. Гожъёсыз тупало Эгра, Шаркан, Вотка, Дэри, Ува, Сьӧлта ёросъёсын.

Ёрослэн кылдэмез[Тупатыны | бамлэсь кодзэ тупатоно]

Якшур-Бӧдья ёрос кылдытэмын ВЦИК-лэн Вотяк автономной областез люкон сярысь Постановлениезъя 15-тӥ июле 1929-тӥ арын. Отчы соку пыризы 13 сельсоветъёс, 131 гурт. 1921-тӥ арлы улӥсез — 22 сюрс 750 адями. Та вакытэ — 23 сюрс 100 мурт (2006-тӥ арлы). 59%-эз удмуртъёс, 34 % ӟучъёс но мукет калыкъёс. Ёросэ пырись гуртъёслэн лыдзы та нуналлы — 91. 1963-тӥ арысен 1965-тӥ арозь Якшур-Бӧдья пыриз Эгра ёросэ. 1996-тӥ арын Якшур-Бӧдья ёросэ пыриз 12 сельсовет: Маляпочинка (Варавай), Мукши, Кӧкоран, Лынга, Пушкари, Сылӥзь, Вуж Ӟатча, Сьӧдӟи (Чернушка), Якшур, Чур, Ӵошкыт (Большие Ошворцы) но Якшур-Бӧдья.

Территориослы люкиськон[Тупатыны | бамлэсь кодзэ тупатоно]

Муниципал кылдытэтъёс[Тупатыны | бамлэсь кодзэ тупатоно]

Якшур-Бӧдья ёрос люкиське 12 муниципал кылдытэтъёслы. Ваньзы луо гурт поселениос.

Гурт поселение Центрез Улон
интыосызлэн
лыдзы
Улӥсьёсыз[1]
(2017)
Площадез[2],
км2
1 Варовай гурт поселение Варовай гурт 7 579 124,56
2 Кекоран гурт поселение Кекоран черкогурт 8 1199 123,25
3 Лынга гурт поселение Лынга черкогурт 3 998 57,49
4 Мукши гурт поселение Мукши гурт 9 1088 195,68
5 Пушкар гурт поселение Пушкар гурт 6 823 80,56
6 Селычка гурт поселение Селычка черкогурт 5 1460 171,63
7 Тыло гурт поселение Тыло черкогурт 13 1756 286,80
8 Чернушка гурт поселение Чернушка черкогурт 4 1532 65,37
9 Чур гурт поселение Чур черкогурт 6 2443 349,39
10 Ӵошкыт гурт поселение Ӵошкыт гурт 7 604 63,60
11 Якшур гурт поселение Якшур гурт 9 1389 123,66
12 Якшур-Бӧдья гурт поселение Якшур-Бӧдья черкогурт 3 7409 138,11

Гуртъёс[Тупатыны | бамлэсь кодзэ тупатоно]

Якшур-Бӧдья ёросэ пыре 80 улон инты: 13 черкогурт, 64 гурт, 1 хутор но 2 выселка.

Экономика[Тупатыны | бамлэсь кодзэ тупатоно]

Ёросын улӥсьёс пӧлысь 75%-эз музъем ужен выро. Ӟеч радъямын дӥськут, пыдкутчан вурон. 1941—1945 аръёсы Якшур-Бӧдья ёросын усьтӥськизы леспромхозъёс: Чуровской, Селычинской, Пастуховской. Та хозяйствоосын поттэм пу кошкылӥз Быдӟым ожлэн фронтъёсаз. Туннэ нуналлы Якшур-Бӧдья ёросын ужзэс радъяло 216 пала пӧртэм предприятиос но огазеяськонъёс. Соос пӧлысь валтӥсь инты басьтэ му вӧй поттон. Со сяна, азинске пу дасян, солэсь пӧртэм арбериос лэсьтон. Якшур-Бӧдья ёросысь Чур каргуртын усьтэмын силикат кирпич шуккон завод, Лынгаын — мебель дасянъя предприятие но мукет. Ёросын улӥсьёс пӧлысь 11%-эз выро ужбергатонэн. Ёросын ӟеч азинске гурт удыс. 11 гурт хозяйствоын но 10 пала фермер огазеяськонъёсын будэто бакча емыш, ю нянь; пӧртэм пудо вордо.

Якшур-Бӧдья ёрос пыр ортче Иж — Глаз автомобиль сюрес, озьы ик Иж — Пибаньшур чугун сюрес.

Культура[Тупатыны | бамлэсь кодзэ тупатоно]

Ёросын 19 пала культурая юртъёс, 22 библиотека, шаертодонъя ёрос музей, нылпи искусствоосъя школа, киужъёсъя юрт. Якшур-Бӧдья ёросын историлы сӥзем 44 паямтник, 11 тунсыко инты. 2001-тӥ арын йылпумъямын Якшур-Бӧдья черкогуртын Свято-Никольской черкез ӝутон. Ёросын ваньзэ-ӧвӧлзэ 12 школа, 2 школа-интернат, 6 школа-сад, 18 нылпи сад, ватсаса тодон-валан сётонъя 2 школа. Калыкез эмъяло Якшур-Бӧдья ёрос больницаын, 2 амбулаториын но 31 фельдшер-акушер пунктъёсын. Ёросын потэ «Рассвет» (1933) ёрос газет, солэн «Ошмес» (1991) бамез потэ удмурт кылын.

Валэктонъёс[Тупатыны | бамлэсь кодзэ тупатоно]

Чӧлсконъёс[Тупатыны | бамлэсь кодзэ тупатоно]