Кез ёрос

Википедиысь материал
Кез ёрос
Герб Флаг
Кез ёрос Удмуртилэн карта вылаз
Центр Кез
Улӥсьёс
 - ваньмыз 25 439 (2009)
 - плотность 10,9 адями/км²
Территория
 - ваньмыз 2321 км²


Кез ёросУдмурт Республикалэн ог люкетэз.

Кез ёрос кылдэмын 1929-тӥ арын 15-тӥ июле.

Интыяськемын шаермылэн уйпал но шунды ӝужан палаз. Бускельёсыз луо Дэбес, Эгра но Балезино ёросъёс но Пермь шаер.

Ёрослэн шорсюлмсеныз – Кез посёлыкысен – Ижозь 172 иськем.

Музъем[Тупатыны | бамлэсь кодзэ тупатоно]

Ёрослэн быдӟалаез 232 сюрс 102 гектар. Со пӧлысь 37 процентэз – 85 сюрс гектарез – гыроно-кизёно муос. 59 процентэз музъемъёс – 138 сюрс гектарез – нюлэсъёсын шобыртэмын.

Люкетъёс[Тупатыны | бамлэсь кодзэ тупатоно]

Ёросэ туннэ нуналллы пыре 15 муниципал кылдытэт.

Калык[Тупатыны | бамлэсь кодзэ тупатоно]

Ёросын 26 сюрс 446 мурт улэ. Кез посёлокын 11 сюрс 700 мурт. Со пӧлысь 68 процентэз удмуртъёс, 30 процентэз ӟучъёс, 1, 5 процентэз бигеръёс.

История[Тупатыны | бамлэсь кодзэ тупатоно]

1899-тӥ арын Ватка губерниын чугун сюресэз ӝутон герӟаз Сибирез Россилэн шоркареныз. Ӵапак сюресэз ӝутон бадӟым вамыш лэсьтӥз Кез ёрослэн азинсконаз. Паровозъёсты вуэн тырмытон понна нюлэсо-нюро интыын - Лып шур дурын - кылдӥз Кез станция. Озьы 1899-тӥ арын 1-тӥ ноябре кылдӥз Кез посёлок.

Кез ёрослэн туж узыр вашкала историез. Татын шедьтэмын 4 городище но 10 могильник. Соос туж трос ивор сётӥзы ёрослэсь историзэ усьтонын. Озьы ик Сибирь трак но ёрослэн ортчем сюресаз бадӟым инты басьтэ. Юрук, Озон, Бани но Полом гуртъёс пыр кыстӥськиз Сибире сюрес. Кез ёросысь ог 3 сюрс мурт старообрядецъёс луо. Соос берло 400 ар ӵоже утё асьсэлэсь сямъёссэс. Кулига черкогуртын кылдытэмын старобрядецъёслы сӥзем музей, сое утёнэз ас вылаз басьтӥз ЮНЕСКО. Кулига черкогуртын кутске Кам шур.

Кузёлык[Тупатыны | бамлэсь кодзэ тупатоно]

1930-тӥ арын районын кылдыны ӧдъязы колхозъёс. Туннэ татын 26 гурт хозяйство лыдъяське.

1931-тӥ арысен ёросын пайда поттыса ужаны ӧдъяз Кез леспромхоз.

Лулчеберет[Тупатыны | бамлэсь кодзэ тупатоно]

Кез ёросын вань 30 школа, со пӧлысь 15-ез шор ёзо, 18 нылпи сад. Ёросын интыяськемын 4 больница но 36 фельдшер-акушер пункт. Калык шутэтске 27 культурая юртъёсын, 27 библиотекаын. Кез посёлокын вань искуствоосъя школа, покчи техникъёслэн станцизы, нылпи творчествоя юрт, 5 музей. Озьы ик Кезын интыяськемын нылпи юрт.

1931-тӥ арын ёросын кылдӥз «Колхоз сюрес» газет. 1943-тӥ арын редакция борды ватсаськиз радио.

Чӧлсконъёс[Тупатыны | бамлэсь кодзэ тупатоно]