Сюмси ёрос

Википедиысь материал
Сюмси ёрос
Флаг
Сюмси ёрос Удмуртилэн карта вылаз
Центр Сюмси
Улӥсьёс
 - ваньмыз 15 600
 - плотность 8,7 адями/км²
Территория
 - ваньмыз 1793 км²


Удмуртиысь ёрос. Центрез — Сюмси.

Сюмси ёрос Удмурт Республикалэн шундыпуксён паӟлаз интыяськемын. Гожъёсыз герӟасько Сьӧлта, Ува, Вавож ёросъёсын но Киров улосэн. Музъемезлэн быдӟалаез 1789,0 квадрат иськем. Та ёросын улӥсез 18 сюрс 200 адями (1998-тӥ арлы). Пӧлазы ӟучъёс - 55 %, удмуртъёс - 37%, бигеръёс - 3 % но мукет калыкъёс - 5%. Сюмси ёрослэн центрез - Сюмси черкогурт.

Инкуазь[Тупатыны | бамлэсь кодзэ тупатоно]

Сюмси ёрос интыяськемын Кильмезь интылэн улыг интыяз. Мулэн ӟечлыкез туж улӥын - сыръясь интыос, потыны луонтэм нюлэсъёс. Ӵем интыын вӧлскемын луо. Кильмезь шурен артэ кыстӥсько 10 метр выллане ӝутскись луо гурезьёс. Сюмси ёрос пыр ортчо таӵе шуръёс - Инга, Какмож, Пужма, Валой, Лемка, Визирма, Кырчма, Гуринка но самой бадӟымез - Кильмезь шур.

Ёрослэн кылдэмез[Тупатыны | бамлэсь кодзэ тупатоно]

1780-тӥ арозь туала Сюмси ёросэн басьтэм гуртъёс пыризы Казань уездэ. Бӧрысь, Вятка шаер кылдэм бере, Сюмси ёросэз Малмыж уездэ выжтӥзы. Но 1976-тӥ арын Императорлэн указэзъя Вятка шаер нимаз губернилы пӧрмытэмын но 10 уездлы люкемын. Соос пӧлы Малмыж уезд ӧз пыры, озьы со быдтэмын вал. Тодосчиослэн верамзыя, Сюмси волость кылдэмын 1797-тӥ арын, волостьёсъя реформа ортчыку. Сюмси ёрос кылдэмын 15-тӥ июле 1929-тӥ арын. Ёросэ соку пыриз 16 сельсовет, ваньзэ ӧвӧлзэ 143 гурт. окрестность). Соку ёросын лыдъяськизы 4 сюрс пала крестьян хозяйствоос, 7 сюрс 300 мурт - ужась калык, 31 сюрс 742 десятина мында музъем, со пӧлысь 24 сюрс 588 десятинаез - гырон-кизён муос. Озьы ик ёросын лыдъяськиз 1 библиотека, солэн лыдӟисез - 40-50 мурт пала. 1996-тӥ арын лыдъяськизы 9 гурт администрациос (гуртъёс ваньзэ ӧвӧлзэ - 64): Васькин, Вылынугрт, Гуринской, Гуртлуд, Дмитрошур, Зонской, Муки-Какся, Сюмси, Кильмезь. 1963-тӥ арысен 1965-тӥ арозь Сюмси ёрос выжтэмын вал Ува ёросэ.

Экономика но культура[Тупатыны | бамлэсь кодзэ тупатоно]

Сюмси ёросын ӟеч азинскемын промышленность. Ужа нюлэс дасянъя Сюрек леспромхоз, гыбед (торф) поттонъя Орловское огазеяськон, Сюрес лэсьтонъя управление, нянь пыжонъя, йӧллэсь сиё-юон лэсьтонъя заводъёс. Сюмси районын гурт удысэн вырись 24 пала предприятие. Будэто ю нянь, етӥн. Ёрос пыр ортче Ижевск-Ува-Кильмезь чугун сюрес. Культура Сюмси ёросын ужа 25 школа (1999-тӥ арлы), озьы ик Искусстоосъя 2 школа, 20 нылпи сад, 4 поликлиника но 200 муртлы чаклам 4 эмъяськонни, культурая 16 юрт, 17 библиотека. Ёросын 1932-тӥ арысен потэ "Знамя" ёрос газет.

Чӧлсконъёс[Тупатыны | бамлэсь кодзэ тупатоно]