Камбарка ёрос

Википедиысь материал
Камбарка ёрос
Герб Флаг
Камбарка ёрос Удмуртилэн карта вылаз
Центр Камбарка
Улӥсьёс
 - ваньмыз 16 933
 - плотность 22,2 адями/км²
Территория
 - ваньмыз 762,6 км²

Камбарка ёрос — Удмурт Республикалэн ог люкетэз.

Интыяськемын республикалэн шундыӝужан но лымшор палаз, Кам шурлэн паллян пал ярдураз. Ёрос кылдэмын 1939-тӥ арын 7-тӥ мартэ. Со дырозь Камбаркаез Сарапул ёросэ пыртӥзы, нош 1937-тӥ арозь та ёрос вань Удмурт шаерен валче Киров улослэн оглюкетэз вал.

Музъем[Тупатыны | бамлэсь кодзэ тупатоно]

Камбарка ёрослэн быдӟалаез — 762 квадрат иськем. Ёрослэсь 57 процент быдӟалазэ басьто нюлэсъёс. Татын тросгес будо лысо писпуос. Татын му вӧй, луо, торф музъем узырлыкъёс вань.

Калык[Тупатыны | бамлэсь кодзэ тупатоно]

Татын 21 сюрс адями луэ. Со пӧлысь 40 процентэз гуртын уло, 60 процентэз выжыяськемын Камбарка городэ. Озьы ке но улӥсьёс пӧлын 53 процентэз нылкышноос, 47 процентэз луо воргоронъёс. Соос пӧлын 81 процентэз ӟучъёс, 3,9 процентэз удмуртъёс, 8,6 процентэз бигеръёс, 1,3 процентэз поръёс. Озьы ик татын вань украин, белорус, чуваш но трос мукет выжыысь калык.

Территориослы люкиськон[Тупатыны | бамлэсь кодзэ тупатоно]

Муниципалитетъёс[Тупатыны | бамлэсь кодзэ тупатоно]

Камбарка ёрос люкиське 8 муниципал кылдытэтъёслы. Соос пӧлын 7 гурт но 1 кар поселениос.

Поселение Центрез Улон
интыосызлэн
лыдзы
Улӥсьёсыз[1]
(2017)
Площадез[2],
км2
1 Камбарка кар поселение Камбарка кар 1 10 477 129,4
2 Армязь гурт поселение Улӥ Армязь гурт 3 562 138,22
3 Борок гурт поселение Борок посёлок 6 623 27,9
4 Ершовка гурт поселение Ершовка черкогурт 1 889 33,5
5 Кама гурт поселение Кама черкогурт 1 1785 52,6
6 Михайловка гурт поселение Михайловка черкогурт 5 507 215
7 Нефтебазинской гурт поселение Камской черкогурт 1 756 5,6
8 Шолья гурт поселение Шолья черкогурт 3 1334 70,4

Улон интыос[Тупатыны | бамлэсь кодзэ тупатоно]

Камбарка ёросын 21 улон инты интыяськемын: 1 кар, 1 посёлок, 6 черкогурт, 8 гурт, 1 станция но статустэк 4 улон инты.

Ёросэн кивалтӥсьёс[Тупатыны | бамлэсь кодзэ тупатоно]

Кун власть Камбарка ёросын Уставезъя радъямын. Муниципал ёросэн кивалто:

  1. Камбарка ёросысь депутатъёслэн кенешсы — закон кылдытъян бордын тыршись ёзэс, отчы пыре куамын депутат, бырйиськылэ вить арлы.
  2. Камбарка ёрослэн тӧроез — муниципал ёросэн кивалтӥсь вылӥ адями, бырйиськылэ ёрос кенешен конкурс пыр. Ёрослэн тӧрояз ужа Поддубский Александр Васильевич.
  3. Камбарка ёрослэн администрациез — муниципал кылдытэтысь быдэсъясь но кивалтӥсь ёзэс. Администрацилэн уженыз кивалтэ ёрослэн тӧроез.

Лулчеберет[Тупатыны | бамлэсь кодзэ тупатоно]

Ёросын ужа 12 школа, со пӧлысь 8-эз шор ёзэ луо. Нылпиос ветло 13 нылпи садэ. Тазалыкез утё но эмъяло 3 больницаын но 6 фельдшер-акушер пунктъёсын. Озьы ик ёросын ужа 11 культурая юрт но клубъёс, 11 библиотека. Камбаркаын вань крезьгуръя школа но музей.

Кузёлык[Тупатыны | бамлэсь кодзэ тупатоно]

Камбарка ёрослэн бадӟым люкетэз герӟаськемын промышленностен. Татын азинско машина лэсьтон но корт ӵыжатон удысъёс. Калык тырше нюлэс дасян но пул пилён удысын.

Пусйыны кулэ: ёрослы удалтӥз сюресъёсын но. 74 иськем машина сюрес сяна, татын 104 иськем кыстӥське чугун сюрес. Ёрос пыр ортче «Москва-Свердловск» но «Ижевск-Чайковский» сюресъёс. Ёросын интыяськемын поезд дугдылон 4 станция. Со сяна, Кам шур кузя ветлэ ву транспорт. Кам шур вамен ужа паром. Ӝоген Кам вамен выж лэсьтыны чаклало. Соку Камбаркаысь Нефтекамск городэ кӧня ке минут куспын вуыны луоз.

Валэктонъёс[Тупатыны | бамлэсь кодзэ тупатоно]

Чӧлсконъёс[Тупатыны | бамлэсь кодзэ тупатоно]