Удмуртия

Удмурт Республика
Флаг	Герб
	Удмурт Республикалэн гимнэз
Официальной кылъёс	удмурт, ӟуч
Шоркар	Иж
Тужгес бадӟым каръёс	Иж, Сарапул, Вотка, Глаз
Тӧро; Премьер-министр ; Кун Кенешлэн ; тӧроез	Александр Бречалов; Ярослав Семёнов ; ; Владимир Невоструев
Территория; • Ваньмыз; • Вувыл	57-тӥ интыын; 42 061 км²; 0,6 %
Улӥсьёс; • Дунъян (2020); • Перепись (2010); • Плотность	; 1 500 955 адями (30-тӥ интыын); 1 521 420 адями; 36,07 адями/км²
ВВП; • Ваньмыз (2015); • Адямилы быдэ	; 8,114 млрд долл.; 5 347 долл.
HDI (2014)	0,862 (туж ӝужыт) (25-тӥ инты)
Валюта	Россиысь манет
Авиакомпания	Ижавиа
Интернет-домен	.udm.ru
Телефон код	++7 341
Дырлэн зонаосыз	MSK+1 (UTC+4)

Та кыллэн мукет валатонъёсыз но вань, учке Удмуртия (валатонъёсыз).

Удмуртия (Удмурт Республика, офиц. Удмурт Элькун, ӟуч Удмуртия, Удмуртская Республика) — Ӵукпал Европаын интыяськем кун (республика), Россия Федерациысь субъект^[1]. Приволжской федерал округысь улосъёс пӧлы пыре.

Шаерлэн шоркарез Иж кар.

Интыяськемез

Удмурт шаер интыяськемын Шор Ураллэн шунды пуксён палаз, Кам но Ватка шуръёс вискын. Ижкарысен Мускоозь — 1 129 иськем, Санкт-Петербургозь — 1 904 иськем, Екатеринбургозь — 800 иськем, Кузонозь — 395 иськем.

Удмурт Республикалэн шунды пуксён но уйпал ласянь бускелез луэ — Киров улос, шунды ӝужан палан — Пермь шаер, лымшор палан — Башкирия но Татарстан кунъёс.

Удмурт шаер 42,1 сюрс квадрат иськем музъем вылын интыяськемын, со Россия Федерацилэн муэзлэсь 0,25%-сэ басьтэ.

Инкуазь

Удмурт шаер интыяськемын Европейской ӵошаллэн шунды ӝужан палаз, Кам но Ватка (Камлэн бур ӧрыз) шуръёс вискын. Бадӟым зарезьёслэсь палэнын, соин ик омыр сокем чурыт ӧвӧл: толалтэ кезьыт но лымыё, гужем пӧсь но шундыё луэ. Тужгес но кезьытэз толэзь — толшор, (шоро-куспо температура 9,9 градусозь лэзьке Цельсийя) тужгес пӧсез толэзь — пӧсьтолэзь (шоро-куспо температура 20,9 градусозь ӝутске Цельсийя).

Музъем узырлыкъёс пӧлысь валтӥсьёсыз — нюлэс но мувӧй. Удмурт шаерлэн музъем вылаз 114 мувӧй кылдонни усьтэмын. Кыскем мувӧй пӧлысь 96%-эз шаермылэн палэназ кутӥське.

Удмуртилэн 46 % музъемез нюлэсъёсын шобыртэмын, со пӧлысь ӝыныез — лысо писпуос. Республика озьы ик узыр гыбедэн, азотнометановой интыосын. Вылӥ дунъясько эмъясь дэри но лэсьтӥськон сюй (луо, горд сюй, бур).

Удмуртилэн историысьтыз

Музъем ужъёсын вырыны вашкала удмуртъёс асьме эралэсь азьло VIII—V сюрсаре ик — мезолит вакытэ кутскиллям. Та сярысь иворто Удмурт шаерлэн музъем вылаз шедьтэм археологияя синпелетъёс^[2]. Асьме вакытлэсь азьло VIII—III дауръёсы — корт дауре кылдӥз ананьино культура. X даурын удмуртъёс пыризы Булгар шаере, нош XIII даурысен лымшор удмуртъёс Зарни Ордалэн кивалтэт улаз шедизы, бӧрысьгес Кузон ханствое пыриськизы. Уйпал удмуртъёс выжыяськизы туала Глазкар котыре (отысь тужгес тодмо археологи синпелет — Иднакар).

XVIII даурозь вашкала удмуртъёс гурт удысэн выризы, чорыгазы но пӧйшуразы. XIX даурлэн шораз Удмуртиын азинске корт поттон но ӵыжатон промышленность.

Быдӟым Октябрь революция дырозь Удмурт шаерлэн музъемез Кузон но Ватка губерниос куспын люкемын вал. Нимаз шаерлы Удмуртия пӧрмиз Октябрь революция бере гинэ.

1920-тӥ аре 4-тӥ шуркынмонэ В. И. Ленин кӧня ке выль автономи улосъёс кылдытон сярысь РСФСР-ысь ВЦИК-лэсь но СНК-лэсь постановленизэс юнматӥз. Со постановлениын верамын вал: «кылдытоно… ужась калыкъёслэсь — калмыкъёслэсь, поръёслэсь но вотякъёслэсь — автономи улосъёссэс». Озьы кылдӥз Вотяк автономи улос.

1932-тӥ аре 1-тӥ толшоре СССР-ысь ВЦИК-лэн постановлениезъя улосмылэн нимыз воштэмын вал: «Вотяк автономи улослэн коренной калыкез… удмурт калык луэ бере, …Вотяк автономи улослы выль ним сётоно: Удмурт автономи улос».

1934-тӥ аре 28-тӥ толсуре СССР-ысь ВЦИК «Удмурт автономи улосэз Удмурт Автономи Кенешо Социализмо Республикалы пӧрмытэм сярысь» постановленизэ кутӥз.

20-тӥ куарусёнэ 1990-тӥ аре Удмуртиысь Вылӥ Кенеш кун суверенитет сярысь декларациез юнматӥз. Нош 25-тӥ шуркынмонэ 2003-тӥ арын со деклараци палэнтэмын вал.

11-тӥ коньывуонэ 1991-тӥ арын Удмуртиысь Вылӥ Кенеш шаермылэсь выль нимзэ юнматӥз — Удмурт Республика.

Улӥсьёс

Удмуртстатлэн пусъемезъя 1-тӥ толшоре 2017-тӥ арын республикаын улӥсьёслэн лыдзы 1 516 731 адями вал. Улӥсьёслэн ӵемлыксы (плотностьсы) — 36,06 адями/км² (2017). Соос пӧлысь каръёсын улэ — 65,57 % (994 504 адями).

Улӥсьёслэн лыдзы
1926^[3]	1928^[4]	1939^[5]	1941^[5]	1942^[5]	1943^[5]	1944^[5]	1945^[5]	1947^[5]	1959^[6]
756 264	↗765 300	↗1 186 900	↗1 190 400	↘1 167 000	↘1 104 700	↘1 054 100	↘1 008 600	↗1 079 100	↗1 336 927
1970^[7]	1979^[8]	1980^[9]	1981^[9]	1982^[9]	1983^[9]	1984^[9]	1985^[9]	1986^[9]	1987^[9]
↗1 417 675	↗1 493 670	↗1 500 778	↗1 512 390	↗1 524 912	↗1 532 621	↗1 542 273	↗1 553 271	↗1 563 489	↗1 578 648
1988^[9]	1989^[10]	1990^[9]	1991^[9]	1992^[9]	1993^[9]	1994^[9]	1995^[9]	1996^[9]	1997^[9]
↗1 592 824	↗1 609 003	↗1 611 461	↗1 616 684	↗1 622 149	↗1 624 841	↘1 620 134	↘1 617 386	↘1 612 618	↘1 607 712
1998^[9]	1999^[9]	2000^[9]	2001^[9]	2002^[11]	2003^[9]	2004^[9]	2005^[9]	2006^[9]	2007^[9]
↘1 603 960	↘1 601 409	↘1 595 571	↘1 588 054	↘1 570 316	↘1 568 176	↘1 561 092	↘1 554 292	↘1 545 820	↘1 538 602
2008^[9]	2009^[9]	2010^[12]	2011^[9]	2012^[13]	2013^[14]	2014^[15]	2015^[16]	2016^[17]	2017^[18]
↘1 532 946	↘1 528 236	↘1 521 420	↘1 520 390	↘1 518 091	↘1 517 692	↘1 517 050	↗1 517 472	↘1 517 164	↘1 516 731

Калыкъёс

Удмуртия — трос калыкъем кун. Шаерамы сюлэсь трос пӧртэм калык улэ. Соос пӧлысь ӵемгес пумисько удмуртъёс, ӟучъёс, бигеръёс, поръёс, чувашъёс, бесермянъёс.

Удмурт Республикаысь калыклэн йӧскалык составезлэн воштӥськемез:

Калык	1926^[19], %	1939^[20], %	1959^[21], %	1970^[22], %	1979^[23], %	1989^[24], %	2002^[25], %	2010^[26], %
Удмуртъёс	52,3	39,4	35,9	34,2	32,1	30,9	29,3	28,0
Ӟучъёс	43,3	55,7	56,8	57,1	58,3	58,9	60,1	62,2
Бигеръёс	2,8	3,3	5,3	6,1	6,6	6,9	6,9	6,7

Улон интыос

Удмурт шаере пыро: 6 город, 25 ёрос, 11 посёлок но 2119 гурт. Шоркарез — Иж, отын улӥсез 646,3 сюрс адями (2017-тӥ арлы) лыдъяське. Мукет каръёс: Вотка — 98,1 сюрс адями, Глаз — 93,6 сюрс адями, Можга — 49,6 сюрс адями, Сарапул — 97,9 сюрс адями, Камбарка — 10,5 сюрс адями.

Политика

Удмуртиын кун власть быдэсъяське Удмурт Республикалэн Президентэныз, Правительствоен но Кун Кенешен.

Удмуртиен кивалтэ президент (2017-тӥ арысен — Александр Бречалов). Правительствоен кивалтэ премьер-министр (2017 арысен — Ярослав Семёнов), республикалэн парламентэныз (Кун Кенешен) — Владимир Невоструев.

Удмурт Республика улонзэ радъя кунлэн валтӥсь законэз — Конституция — вылэ пыкъяськыса.

Территориослы люкиськон

Ёросъёс

№	Ёрос	Центрез	Площадез, км²	Улӥсьёсыз, адями
1	Алнаш ёрос	Алнаш черкогурт	896	18 997
2	Балезино ёрос	Балезино пос.	2 435	31 848
3	Вавож ёрос	Вавож черкогурт	1 679	15 568
4	Вотка ёрос	Вотка кар	1 864	24 326
5	Глаз ёрос	Глаз кар	2 160	16 828
6	Грах ёрос	Грах черкогурт	968	8446
7	Дэбес ёрос	Дэбес черкогурт	1 033	12 112
8	Завьял / Дэри ёрос	Дэри черкогурт	2 203	72 011
9	Камбарка ёрос	Камбарка кар	763	17 164
10	Каракулино ёрос	Каракулино черкогурт	1 193	11 152
11	Кез ёрос	Кез пос.	2 321	20 771
12	Кизнер ёрос	Кизнер пос.	2 131	19 175
13	Кияса ёрос	Кияса черкогурт	821	9568
14	Красногорск ёрос	Красногорск черкогурт	1 860	9187
15	Можга ёрос	Можга кар	1 997	27 002
16	Пичи Пурга ёрос	Пичи Пурга черкогурт	1 223	33 407
17	Сарапул ёрос	Сигаево черкогурт	1 878	24 337
18	Сьӧлта ёрос	Сьӧлта черкогурт	1 884	10 684
19	Сюмси ёрос	Сюмси черкогурт	1 790	12 623
20	Ува ёрос	Ува пос.	2 445	38 036
21	Шаркан ёрос	Шаркан черкогурт	1 405	18 756
22	Эгра ёрос	Эгра пос.	2 267	37 064
23	Юкаменск ёрос	Юкаменск черкогурт	1 020	8880
24	Якшур-Бӧдья ёрос	Якшур-Бӧдья черкогурт	1 780	21 501
25	Яр ёрос	Яр пос.	1 524	13 794

Каръёс

№	Кар округ	Улӥсьёсыз	Площадез, км²
I	Вотка	98 063	112,2
II	Глаз	93 628	68,3
III	Иж	646 277	315,6
IV	Можга	49 617	30,6
V	Сарапул	97 910	86

Экономика

Удмуртилэн ӟеч интые интыяськемез корт поттонэз азинтыны но Россиысь валтӥсь улосъёс пӧлы пырыны луонлык кылдытӥз. Валтӥсь предприятиос: «Ижмаш», «Ижысь механикая завод», «Ижысь электромеханикая завод», «Радиозавод», «Ижсталь».

Удмурт шаерын улӥз но ужаз быдэс дуннелы тодмо луэм конструктор М. Т. Калашников. Али вакытэ солы сӥзем музей усьтэмын.

Тунсыко интыос но туризм

Удмуртиын кык сюрслэсь трос тунсыко учкымон интыос лыдъясько. Ваньмыз сямен соос герӟаськемын быдэс дуннеын тодмо луэм адямиосын но соослэн улэм но ужам интыосынызы. Кылсярысь: Петр Ильич Чайковский, Михаил Тимофеевич Калашников, Галина Алексеевна Кулакова, Надежда Андреевна Дурова но мукетъёс. Озьы ик Элькунамы 150 пала туристъёслы улымон интыос усьтэмын, 32 музей, кык сюрслэсь ятыр историен но культураен утем синпелетъёс. Вань йоскалык парк, заказникъёс, спортивной комплексъёс (соос пӧлысь кыкез горнолыжной луо) но ӵыдонтэм интыос, кытчы одно ик вуылыны кулэ. Берло аръёсы Удмуртиын азинске гурт туризм. 150 пала нимаз возёсъёс, гурт удысэз сяна, туризм ӧрез азьланьто^[27].

Транспорт

Республикалэн музъем вылтӥз ортчо 4 бадӟым автомобиль сюресъёс: Р242, Р320, Р321 но Р322. Озьы ик Удмуртия пыр E22 Европаысь маршрут но М7-Волга федерал трасса ортчо.

Шаерамы вань аэропорт. Соин кивалтэ кун авиакомпания — ОАО «Ижавиа».

Озьы ик Удмуртиын туж умой азинтэмын чугун сюрес удыс. Со асьме кунмес мукет улосъёсын но каръёсын герӟа. Поезд мынон-ветлон сюресъёс пӧртэм вайёсъя ужало: «Кузон — Огырчи — Екатеринбург», «Киров — Балезино — Пермь», «Балезино — Иж — Алнаш», «Иж — Вотка», «Люкшудья — Кильмезь».

Чугун сюрес вокзалъёс

Глаз карысь вокзал.		Можгаысь вокзал.		Балезиноысь вокзал.		Сарапулысь вокзал.

Со сяна, учке

Удмуртиысь улон интыос

Валэктонъёс

Чӧлсконъёс

[1] Географическое положение

[2] История Удмуртии

[1926W-3] Всесоюзная перепись населения 1926 года. М.: Издание ЦСУ Союза ССР, 1928. Том 9. Таблица I. Населённые места. Наличное городское и сельское население Эскеремын 2015-02-07 аре

[1928A-4] Статистический справочник СССР за 1928 г.

[2014DJ-5] 5,0 ^5,1 ^5,2 ^5,3 ^5,4 ^5,5 ^5,6 С. Н. Уваров. Сельское население Удмуртии в годы Великой Отечественной войны: историко-демографический анализ. Вестник Удмуртского университета, выпуск № 5-1 / 2014 Эскеремын 2015-01-02 аре

[1959B-6] Всесоюзная перепись населения 1959 года Эскеремын 2013-10-10 аре

[1970B-7] Всесоюзная перепись населения 1970 года. Численность наличного населения городов, поселков городского типа, районов и районных центров СССР по данным переписи на 15 января 1970 года по республикам, краям и областям Эскеремын 2013-10-14 аре

[1979B-8] Всесоюзная перепись населения 1979 г.

[1980B-9] 9,00 ^9,01 ^9,02 ^9,03 ^9,04 ^9,05 ^9,06 ^9,07 ^9,08 ^9,09 ^9,10 ^9,11 ^9,12 ^9,13 ^9,14 ^9,15 ^9,16 ^9,17 ^9,18 ^9,19 ^9,20 ^9,21 ^9,22 ^9,23 ^9,24 ^9,25 ^9,26 ^9,27 ^9,28 Численность населения УР на начало 1980-2014

[1989A-10] Всесоюзная перепись населения 1989 года

[2002B-11] Всероссийская перепись населения 2002 года. Том. 1, таблица 4. Численность населения России, федеральных округов, субъектов Российской Федерации, районов, городских поселений, сельских населённых пунктов - райцентров и сельских населённых пунктов с населением 3 тысячи и более

[2010E-12] Итоги Всероссийская перепись населения 2010 года. 5. Численность населения России, федеральных округов, субъектов Российской Федерации, районов, городских населённых пунктов, сельских населённых пунктов – районных центров и сельских населённых пунктов с населением 3 тысячи человек и более Эскеремын 2013-11-14 аре

[2012A-13] Численность населения Российской Федерации по муниципальным образованиям. Таблица 35. Оценка численности постоянного населения на 1 января 2012 года Эскеремын 2014-05-31 аре

[2013W-14] Численность населения Российской Федерации по муниципальным образованиям на 1 января 2013 года. — М.: Федеральная служба государственной статистики Росстат, 2013. — 528 с. (Табл. 33. Численность населения городских округов, муниципальных районов, городских и сельских поселений, городских населённых пунктов, сельских населённых пунктов) Эскеремын 2013-11-16 аре

[2014AF-15] Оценка численности постоянного населения на 1 января 2014 года Эскеремын 2014-04-13 аре

[2015DS-16] Численность населения Российской Федерации по муниципальным образованиям на 1 января 2015 года Эскеремын 2015-08-06 аре

[2016AB-17] Оценка численности постоянного населения на 1 января 2016 года и в среднем за 2015 год Эскеремын 2016-03-27 аре

[2017AG-18] Предварительная оценка численности постоянного населения на 1 января 2017 года и в среднем за 2016 год

[19] Всесоюзная перепись населения 1926 года

[20] Всесоюзная перепись населения 1939 года

[21] Всесоюзная перепись населения 1959 года

[22] Всесоюзная перепись населения 1970 года

[23] Всесоюзная перепись населения 1979 года

[24] Всесоюзная перепись населения 1989 года

[25] Всероссийская перепись населения 2002 года

[26] Информационные материалы об окончательных итогах Всероссийской переписи населения 2010 года

[27] Республика Удмуртия

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

Словари и энциклопедии	Большая китайская Большая норвежская Большая российская Britannica (онлайн) Treccani
В библиографических каталогах	GND: 4314275-8 NKC: ge130728 VIAF: 244233300 WorldCat VIAF: 244233300

Финн-угор шаеръёс
Европа союзысь	Венгрия • Финляндия • Эстония
Россия Федерациысь	Республикаос: Карелия • Коми • Марий Эл • Мордовия • Удмуртия Округъёс: Коми-Пермяк округ • Ханты-Манси автономной округ — Югра